Diferencia entre revisiones de «Equus asinus»

Explorar historial interactivamente

← Ir ta a edición anterior Ir t'a edición siguient →

Contenido eliminado Contenido añadido

VisualWikitexto

En renglón

Versión d'o 05:39 27 nov 2009

Plantilla:Bersión Uesca

Burro / Somero

Equus asinus, o somero domestico.

Estato de conservación

Domestica.

Clasificación scientifica

Dominio:	Eukaryota
Reino:	Animalia
Filo:	Chordata
Clase:	Mammalia
Orden:	Perissodactyla
Familia:	Equidae
Chenero:	Equus
Especie:	E. asinus

Nomenclatura binominal

Equus asinus

Linnaeus, 1758

O burro u somero / somer (Equus asinus (L., 1758)) ye un mamifero domestico d'a familia d'os équidos, més chicot e con orellas més luengas que no os caballos. Se diz pollín de l'animal choben, emplegando-se lo termín guarán ta os mastos sementals.

Ibridazión con altros équidos

Un guarán puede cobrir fembras d'altras espezies emparentatas, como una yeugua, e dar potrez ibridos biables (anque estérils). O entrecruz d'un guarán con una yeugua s'ha feito clasicament ta librar mulas (bartos u mastos cuan son masclos) que son animals muit fuertes, resistents e dózils, razón per a cual s'aconsideran animals particularment baliosos ta carreyar pesos en distanzias luengas, sobre tot en terrenos de montaña u deserticos. Os mulez naixitos d'una somera cobierta con un caballo son més chicoz e febles, por ixo se mira siempre de fer o entrecruz per a bía imbersa.

Anque muito menos comuns, tamién se son aconseguitos bels ibridos de burro domestico e dibersas espezies de zebra, conoxitos en anglés como "zeedonks", que podría traduzir-se como «zeburros». Como toz os ibridos d'équidos diferents, os ibridos d'o somer son esterils perque tota as espezies d'o chenero Equus tienen numers diferents de cromosomas, que resultan inaparellables en os ibridos. Os caballos en tienen 64 e os someros 62, produzindo-se asinas ibridos (as mulas e mastos) que no en tienen si que 63, e en tenendo lo numer impar no pueden fer a segregazión meyotica d'os suyos gametos e remanen esterils.

Esiste una espezie (con diversas sozespezies) de somers salbaches en as estepas d'Asia, ditos onagres u emions, Equus hemionus. Una altra espezie de somer que ye salbache en Africa ye l'Equus africanus, en o qui cualques imbestigadors son quiesto beyer o debantpasato d'o somer domestico.

Utilidat economica

Dende las orichens d'a istoria, os somers s'han feito serbir en Europa e Asia més ozidental ta porteyar cargas, estibar carros e carreyar personas. Anque no son de luen tan rapedos como os caballos, son animals més lonchebos, o mantenimiento suyo ye menos costoso e tienen gran resistenzia e achilidat cuan que os camins son defizils. Encara en l'autualidat son animals d'una gran importanzia economica en países en bías de desarrollo.

Os pollins tienen una gran reputazión d'estar capezutos, pero ixo se debe á la malinterpretazión de belas personas sobre o suyo sentito de l'autopreserbazión. Ye muito defizil de forzar un somero á fer bella cosa quan este bei que no bi n'ha ha de sacar treslato. Modernament, han proliferato os estudeos sobre lo suyo comportamiento, anque encara son prou lemitatos. Os somers pareix que son animals aprebenitos, amigables e enchugarditos, e prou més intelichents que no se'n eba considerato tradizionalment. Manimenos, en que s'ha ganato a suya confianza pueden estar buenos compañers de treballo e recreyo. Ante parte, se los conserba en bels países ozidentals como animals de grancha e como mascotas cuan que lo suyo emplego como bestias de carga ya ye espareixito. Tamién son bestias populars en puestos toristicos e de recreyo ta paseyar os ninos.

Aspeutos istoricos

O burro estió lo simbolo d'o dios echipziano Ra.
O burro estió lo simbolo d'o dios griego Dionisio.
O somero amaneix repetidament en a Biblia ebrea.
En l'Antiga Roma, o somero yera l'animal binculato con Príapo, e á él s'ofreixeban somers en sacrifzio perque diz que ixe dios en eba abito de matar uno en o suyo biache enta las Indias chunto con Baco per aber gosato desputar-le lo premio d'a fuerza.