Corea d'o Norte

Plantilla:Infobox País Coreya d'o Norte, oficialment Republica Democratica Popular de Coreya (en corián 조선 민주주의 인민 공화국, Chosŏn Minjujuŭi Inmin Konghwaguk), ye un país d'Asia oriental. Ocupa a parti setentrional d'a peninsula de Coreya, situada a l'este de China, entre as mars de l'este y Amariella. O territorio ye monterizo, con cordeleras cubiertas por selvas a l'este, sobre o litoral d'a Mar de l'Este. En as planas se cautiva roz, que ye o prencipal producto agricola. O 90% d'a tierra se treballa en forma cooperativa. Ye un país rico en recursos minerals (carbón, fierro, sen, arambre, plomo y manganeso). A suya capital y ciudat mas gran ye Pyongyang. A Zona Desmelitarizata de Coreya sirve como zona neutral de deseparación entre Coreya d'o Norte y Coreya d'o Sud. O río Amnok y o río Tumen fan de muga entre Coreya d'o Norte y a Republica Popular China. Una chicota d'o río Tumen en o suyo estremo noreste ye a muga con Rusia.

A peninsula entera fue gubernata por o Imperio Corián dica que fue anexionata por Chapón dimpués d'a guerra ruso-chaponesa en 1905. En rematar a Segunda Guerra Mundial, en l'anyo 1945, fue dividita en dos zonas d'ocupación, una sovietica y una atra estatounitense. Coreya d'o Norte refusó fer parti d'as eleccions que se celebroron en 1948 en o sud baixo a supervisión d'as Nacions Unitas, lo que fació que se creyasen dos gubiernos diferents en cadaguna d'as dos zonas d'ocupación. As dos, Coreya d'o Norte y d'o Sud, reclamoron a soberanía sobre tota a peninsula, lo que fació que esclatase a Guerra de Coreya en 1950. L'armisticio de 1953 remató con a luita; manimenos, os dos países se troban encara oficialment en guerra l'un con l'atro, ya que nunca no s'ha sinyato un tractato de paz. Os dos estatos dentroron en as Nacions Unitas en l'anyo 1991.

Divisions administrativas

Divisions administrativas de Coreya d'o Norte

Ciudatz prencipals de Coreya d'o Norte

	Nombrea	Chosŏn'gŭl	Hanja
Ciudatz dreitament gubernatas (Chikhalsi)a
1	Pyongyang (Capital Nacional)	평양직할시	平壤直轄市
2	Rason	라선직할시	羅先直轄市
Rechions Administrativas Especials (T'ŭkpyŏl Haengjŏnggu)a
3	Rechión Industrial de Kaesong	개성공업지구	開城工業地區
4	Rechión Toristica de Kumgangsan	금강산관광지구	金剛山觀光地區
5	Rechión Administrativa Especial de Sinuiju	신의주특별행정구	新義州特別行政區
Provincias (do)a
6	Chagang	자강도	慈江道
7	Pyongan d'o Norte	평안북도	平安北道
8	Pyongan d'o Sud	평안남도	平安南道
9	Hwanghae d'o Sud	황해남도	黃海南道
10	Hwanghae d'o Norte	황해북도	黃海北道
11	Kangwon	강원도	江原道
12	Hamgyong d'o Sud	함경남도	咸鏡南道
13	Hamgyong d'o Norte	함경북도	咸鏡北道
14	Ryanggang *	량강도	兩江道
* – Transcrito en os dialectos d'o sud como "Yanggang" (양강도).

Prencipals ciudatz

Pyongyang Hamhung Chongjin Nampo

Sinuiju Wonsan Pyongsong Sariwon

Anju Haeju Kanggye Kimchaek

Hyesan Kaesong Songrim Hoeryong