El Rourell
El Rourell (Rourell en castellán) ye un municipio catalán situato en a provincia de Tarragona, comarca d'Alto Campo y partito chudicial de Tarragona.
A suya población ye de 384 habitants (2010), en una superficie de 2,32 km² con una densidat de población de 168,42 hab/km².
Cheografía
El Rourell ye situato a 114 metros d'altaria sobre o ran d'a mar, a 14 km de distancia de Tarragona, que ye a capital d'a suya provincia y partito chudicial, y a 113 km de Barcelona, que ye a capital de Catalunya.
O río Francolí fa parte d'a muga d'o termin d'El Rourell con a comarca d'o Tarragonés. O termin muga a o norte con Alcover y La Masó; a l'este con Vallmoll; a l'este y a o sud con Villalonga del Camp; a o sud con El Morell; y a o sudeste con Els Garidells.[1]
Etimolochía
O nombre d'o pueblo provién d'a parabra catalana roure ("caixico" u "robre" en aragonés).
Historia
En 1150 u 1158, o conte de Barcelona, Remón Belenguer IV y o arcebispe de Tarragona donoron o termin a Belenguer de Molnells, que dimpués ingresó en a Orden d'o Temple y lis cedió o lugar (1162). Os templers en facioron una comanda, a comanda d'El Rourell, que dependeba d'a comanda de Barberán.[2]
Economía
L'actividat economica prencipal ye l'agricultura, especialment de regano, con avellanera; en o secán bi ha vinya y almendrera.[1]
Bi ha escasa ganadería, con tocins y avicultura.[1]
Demografía
| ||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||
| 1497-1553: fuegos; 1717-1981: población de feito; 1990- : población de dreito | ||||||||||||||||||||||||||||||||||||||||||||||||||||||
Administración
Reparto de concellers
| Partito | 1979 | 1983 | 1987 | 1991 | 1995 | 1999 | 2003 | 2007 | 2011 |
| CiU | - | - | 3 | 4 | 2 | - | - | 4 | 5 |
| PSC | - | - | 4 | 3 | - | - | 4 | 3 | 2 |
| Independients | 7 | 7 | - | - | 5 | 7 | 3 | - | - |
| Total | 7 | 7 | 7 | 7 | 7 | 7 | 7 | 7 | 7 |
Fuent: MUNICAT, en a pachina web d'a Generalitat de Catalunya.
Alcaldes
| Lechislatura | Nombre | Partito politico |
|---|---|---|
| 1979–1983 | ||
| 1983–1987 | ||
| 1987–1991 | ||
| 1991–1995 | ||
| 1995–1999 | ||
| 1999–2003 | ||
| 2003–2007 | Vicente Palau Roca | Partit dels Socialistes de Catalunya |
| 2007–2011 | Pedro Guerrero Martín | Convergència i Unió |
| 2011–2015 | Carme Basora Ventura | Convergència i Unió |
Molimentos
- Casa d'os marqueses de Vallgornera, que ye clamato castiello.[1].
- Ilesia Parroquial de Sant Per, construyita en o sieglo XVII dencima d'atro edificio anterior.[1]
Enrastres externos
Se veigan as imáchens de Commons sobre El Rourell.- (ca) Pachina web oficial municipal d'El Rourell.
- (ca) Información d'El Rourell en a pachina web d'a Cheneralidat de Catalunya.
- (ca) Información d'El Rourell en a pachina web d'o Institut d'Estadística de Catalunya.
Referencias
- ↑ 1,0 1,1 1,2 1,3 1,4 (ca) Información d'El Rourell en AltCamp.info.
- ↑ (ca) Historia d'El Rourell, en a pachina web municipal.
| Municipios d'a comarca de l'Alto Campo | |
|---|---|
| Aiguamúrcia | Alcover | Alió | Bràfim | Cabra del Camp | Figuerola del Camp | Els Garidells | La Masó | El Milà | Montferri | Mont-ral | Nulles | El Pla de Santa Maria | El Pont d'Armentera | Puigpelat | Querol | La Riba | Rodonyà | El Rourell | Vallmoll | Valls | Vilabella | Vila-rodona |