Condato de Barcelona
| Condato de Barcelona | ||||
|---|---|---|---|---|
| ||||
| ||||
 | ||||
| Capital | Barcelona | |||
| Idioma oficial | Latín y catalán | |||
| Relichión | Catolica | |||
| Gubierno | Monarquía | |||
| Conte • 879 - 897 • 1131 - 1162 |
Guifré I Remón Berenguer IV | |||
.svg)
O condato de Barcelona ye un estato desapareixito, con categoría churidica de condato, que s'establió alto u baixo a finals d'o sieglo IX (878, quan Loís II de Francia nombró conte a Guifré I de Barcelona, se prene a sobén como calendata de referencia) en os territorios orientals d'a dita Marca Hispanica d'o Imperio Carolinchio y que s'adhibió en 1137-1164 a o Reino d'Aragón ta formar a Corona d'Aragón.
As suyas mugas cambeyoron mientres a suya existencia, estando en os suyos alazetz nomás un chicot condato más d'os condatos catalans, dica plegar a anexionar-se de feito a mayor parte d'ixos condatos, un proceso que remató ya dimpués d'estar adhibito a la Corona d'Aragón con l'anexión d'o condato d'Urchel.
Os alazetz d'o condato[editar | editar código]
Os territorios d'o condato de Barcelona estioron alazetalment nomás una división administrativa d'o Reino visigodo de Toledo, dica la suya conquiesta a prencipios d'o sieglo VIII por os musulmans, que dimpués establioron o Califato de Cordoba.
Dominio franco en o sieglo IX[editar | editar código]
Alto u baixo a prencipios d'o sieglo IX, ixos territorios fuoron conquiestos por Carles Magno, qui establió a dita Marca Hispanica como muga contra o Califato cordobés. Os contes nombratos por os carolinchios estioron asinas os primers contes de Barcelona, o condato que yera considerato como o más important d'a Marca Hispanica, encara que dimpués iste cargo esdevenió hereditario.