Edge of Tomorrow
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Edge of Tomorrow | |
|---|---|
| |
| Ficha tecnica | |
| Dirección | Doug Liman |
| Producción | Erwin Stoff Tom Lassally Jeffrey Silver Gregory Jacobs Jason Hoffs |
| Guión | Christopher McQuarrie Jez Butterworth John-Henry Butterworth |
| Musica | Christophe Beck |
| Fotografía | Dion Beebe |
| Montache | James Herbert Laura Jennings |
| Actors | Tom Cruise Emily Blunt Bill Paxton Brendan Gleeson |
| Datos y cifras | |
| País(es) | Estaus Unius |
| Anyo | 2014 |
| Chenero | sciencia ficción |
| Durada | 113 min. |
| Idioma(s) | Anglés |
| Companyías | |
| Productora | Village Roadshow Pictures RatPac-Dune Entertainment 3 Arts Entertainment Viz Productions |
| Distribución | Warner Bros. Pictures |
| Presupuesto | 178 millons de dólars |
Edge of Tomorrow u Live Die Repeat[1] (títol orichinal en anglés, estrenata en Aragón con o títol en castellano Al filo del mañana) ye una cinta estausunidense de cine de sciencia ficción de l'anyo 2014, dirichida por Doug Liman y producida por Erwin Stoff, Tom Lassally, Jeffrey Silver, Gregory Jacobs y Jason Hoffs con guión de Christopher McQuarrie, Jez Butterworth y John-Henry Butterworth, protagonizada por Tom Cruise, Emily Blunt, Bill Paxton y Brendan Gleeson.
A cinta ye basada en un guión adaptau d'a novela chaponesa de 2004 All You Need Is Kill de Hiroshi Sakurazaka. A cinta tien puesto en un futuro en o qual a mayor parti d'Europa ye invadida por una raza alienichena. O mayor William Cage (Cruise), un oficial de relacions publicas sin experiencia en combate, se veye obligau por os suyos superiors a unir-se a una operación d'aterrizache contra os alienichenas, solament pa trobar-se experimentando un bucle de tiempo entre que tracta de trobar una traza de redotar a os invasors.
En zaguerías de 2009, 3 Arts Entertainment mercó os dreitos d'a novela chaponesa y vendió un guión especifico a l'estudeo estausunidense Warner Bros. L'estudeo produció a cinta con a participación de 3 Arts, l'editor d'a novela Viz Media y a productora australiana Village Roadshow. O rodache prencipió en zaguerías de 2012, y tenió puesto en Anglaterra: en WB Studios en Leavesden, en as afueras de Londres, y en atros puestos, como Trafalgar Square de Londres y a costa de Saunton Sands. Un total de nueu interpresas s'encargoron d'os efectos visuals.
Warner Bros gastó mas de $ 100 millons en publicitar a cinta. Se engueró en cines o cabo de semana d'o 30 de mayo de 2014 en 28 países, incluius Reino Uniu, Brasil, Alemanya, Espanya y Indonesia. O cabo de semana d'o 6 de chunio, se lanzó en 36 países adicionals, incluius America d'o Norte (Estaus Unius y Canadá), Australia, China y Rusia. A cinta recibió criticas positivas d'os criticos, y muitos emponderoron a trama, l'adreza, as seqüencias d'acción y as actuacions de Cruise y Blunt. Replegó mas de $ 370.5 millons en tot o mundo. Se ye desarrollando una seqüela, tetulada Live Die Repeat and Repeat.
Reparto[editar | modificar o codigo]
- Tom Cruise como Mayor William Cage
- Emily Blunt como Sarchento Rita Vrataski
- Bill Paxton como Sarchento Farell
- Brendan Gleeson como Cheneral Brigham
- Noah Taylor como Dr. Noah Carter
- Jonas Armstrong como Skinner
- Tony Way como Kimmel
- Kick Gurry como Griff
- Charlotte Riley como Nance
- Franz Drameh como Ford
- Dragomir Mrsic como Kuntz
- Masayoshi Haneda como Takeda
- Madeleine Mantock como Julie Montgomery
- Jeremy Piven como Coronel Walter Marx
- Marianne Jean-Baptiste como Dr. Whittle
Referencias[editar | modificar o codigo]
- ↑ (en) Edge Of Tomorrow has been rebranded as Live Die Repeat for home video en AVClub.com