Districto d'afers central de Sydney

De Biquipedia
Ir ta: navego, busca
Districto d'afers central de Sydney
Vico de Sydney
Sydney cbd 2 - panoramio.jpg
Districto d'afers central de Sydney
Entidat
 • País
 • Ciudat
 • Aria de gub. local
Vico
Flag of Australia.svg Australia
Sydney
Ciudat de Sydney
Superficie
 • Total

2,8
Población
 • Total

17.252 hab. (2016)
Codigo postal 2000
Location map Australia Sydney.png
City locator 10.svg

Situación de Tamarama en Sydney

O districto d'afers central de Sydney (en anglés Sydney central business district u CDB) ye un vico d'a ciudat de Sydney, en Nueva Galas d'o Sud, Australia. Se troba a 3 km alto u baixo a o sud de Sydney Cove, o punto que estió o primer asentamiento europeu d'a rechión de Sydney. Debiu a o suyo paper prencipal en os primers anyos d'a historia d'Australia, ye una d'as zonas mas antigas d'o país.

Cheograficament, o suyo eixe norte-sud va dende Circular Quay a o norte dica a gara central a o sud. O suyo eixe este-ueste va dende a cadena de parques formada por Hyde Park, The Domain, o Reyal Chardín Botanico y Farm Cove en a badía de Sydney a l'este; dica Darling Harbour y Western Distributor a l'ueste. O censo australiano de 2016 rechistraba una población de 17.252 en o districto. O termín "Sydney CBD" ye emplegau muit ocasionalment ta fer referencia no nomás a o propio districto d'afers central, sino tamién a atros vicos amanaus como Pyrmont, Haymarket, Ultimo y Woolloomooloo.

O districto d'afers central de Sydney ye o prencipal centro financiero y economico d'Australia, asinas como o prencipal nuclio d'actividat economica d'a rechión Asia-Pacifico. O centro d'a ciudat da treballo alto u baixo a un 13% d'a población activa d'a rechión de Sydney. Produció beneficios de 64,1 mil millons de dólars en biens y servicios en 20112012.[1] Culturalment, o centro d'a ciudat de Sydney ye un punto focal ta l'ocio y a vida nocturna. Astí se troban beluns d'os edificios y estructuras mas altos de Sydney.

Referencias[editar | editar código]