Darling Harbour

	Darling Harbour
	Barrio de Sydney
	; Darling Harbour
Entidat; • País; • Ciudat; • Aria de gub. local	Barrio; Australia; Sydney; Ciudat de Sydney
	; Situación de Darling Harbour en o centro de Sydney

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Darling Harbour ye un puerto y barrio d'a ciudat de Sydney, Nueva Galas d'o Sud, Australia. Se tracta de una gran zona piatonal de recreo y que ye situada a l'ueste d'o districto central d'afers de Sydney. O puerto s'estendilla enta o norte de Chinatown, a o largo d'os dos cantos d'a badía de Cockle entre King Street Wharf, a l'este, y o barrio de Pyrmont a l'ueste. Cockle Bay ye una d'as canals que conforman o puerto de Darling Harbour, que s'ubre a o norte en a badía de Sydney.

O recinto y a suya redolada son administradas independientement de l'aria de gubierno local d'a ciudat de Sydney, por un gubierno de Nueva Galas d'o Sud l'autoridat legal d'o gubierno d'o estau, a Sydney Harbour Foreshore Authority.

Historia[editar | modificar o codigo]

Darling Harbour recibe o suyo nombre d'o tenient cheneral Ralph Darling, qui estió gubernador de Nueva Galas d'o Sud entre 1825 y 1831. L'aria yera conoixida orichinalment como Long Cove, encara que en 1826 cuan o gubernador Darling lo renombró se conoixeba como Cockle Bay. O nombre de Cockle Bay ha tornau a fer-se servir recientment en referencia a la cabecera d'o puerto.^[1] Estió en primeras parti d'o puerto comercial de Sydney, incluyindo a interpresa ferroviaria Darling Harbour Railway Goods Yard. Mientres a Gran Depresión, a parti este de Darling Harbour (Barangaroo) fue conoixida como The Hungry Mile (literalment en anglés "a milla d'a fambre"), en referencia a os treballadors que buscaban treballo entre os suyos muelles.^[2]

Gran parti d'o terreno estió parti de l'aria de clasificación de NSW Railways central. Una investigación sobre a industria de Nueva Galas d'o Sud, incluyindo o ferrocarril y as carreteras, feita por Gavan McDonell entre 1978 y 1980,^[3] trobó que o iste centro de clasificación yera ineficient y heba d'estar tresladau, emplegando os terrenos ta otros usos publicos. Istas recomendacions fueron aplicadas en a segunda metat d'a decada de 1980, cuan l'aria s'heba practicament albandonau, reestructurando-la como recinto piatonal y turistico por iniciativa d'o ministro d'Obras Publicas de Nueva Galas d'o Sud, Laurie Brereton.