Badía de Sydney

De Biquipedia
Ir ta: navego, busca
Bahía de Sídney
Sydney Harbour / Port Jackson
Anvista d'a badía de Sydney
Anvista d'a badía de Sydney
Localización administrativa
Estato Flag of Australia.svg Australia
Cheografía
Ocián Ocián Pacifico
Mar Mar de Tasmania
Continents Ocianía
Islas interiors Clark, Shark, Goat, Fort Denison
Ríos drenatos Parramatta, Lane Cove, Middle Harbour
Ciudatz costeras Sydney
Superficie 55 km²
Largaria maxima 19 km
Mapa
Mapa d'a badía de Sydney
Mapa d'a badía de Sydney

A badía de Sydney (en anglés Sydney Harbour), tamién conoixida como Port Jackson, ye un puerto natural arredol d'o que ye l'aria urbana de Sydney. A badía ye una dentrada d'a mar de Tasmania (parti de l'Ocián Pacifico Sud). Aquí se troban a Opera de Sydney y o puent d'a badía de Sydney. Localización d'o primer asentamiento europeu en Australia, Port Jackson ha chugau continament un papel prencipal en a historia y o desenvolique de Sydney.

A-saber-los eventos tienen a suya base en u arredol d'a badía, especialment as celebracions de cabo d'anyo de Sydney y o puesto de salida d'a cursa de vela de Sydney ta Hobart.

As auguas de Port Jackson son chestionadas por Roads & Maritime Services. O Parque Nacional d'a Badía de Sydney proteche un gran numero d'islas, zonas costeras, puestos de banyo, camins ta fer senderismo y arias de picnic.[1]

Cheografía[editar | editar código]

Celebracions de cabo d'anyo en a badía

Cheolochicament, a badía de Sydney ye una val afogada u ría. Tien 19 km de largaria con una superficie de 55 km². O volumen d'o estuario ye de bells 562 millons de metros cubicos. O suyo perimetro ye de 317 kilometros.

D'alcuerdo con a Oficina Cheografica de Toponimos de Nueva Galas d'o Sud, Port Jackson ye "un puerto que comprende todas as auguas aintro d'a linia imachinaria entre North Head y South Head. En iste puerto se troban incluyius North Harbour, Middle Harbour y Sydney Harbour."[2]

Port Jackson s'estendilla enta l'ueste dende a suya unica entrada conoixida como Sydney Heads (North y South Heads) y incluye todas as auguas marinas entre North Harbour, Middle Harbour, Sydney Harbour, Darling Harbour, o río Parramatta y o río Lane Cove.[3]

O puerto ye dividiu en muitas badías mas chicotas. As badías d'a parti sud tienden a estar mas amplas y redondiadas, mientres que as d'o norte son cheneralment mas estreitas. Muitas d'istas badías incluyen plachas. O centro d'afers de Sydney s'estendilla dende Circular Quay.

Se veiga tamién[editar | editar código]

Referencias[editar | editar código]

  1. (en) NSW Office of Heritage and Environment
  2. (en) "Port Jackson". Geographical Names Register (GNR) of NSW. Geographical Names Board of New South Wales..
  3. (en) Mapa de Port Jackson publicau en agosto de 1972 por RAN Hydrographic Services.