Die fetten Jahre sind vorbei
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Die fetten Jahre sind vorbei | |
|---|---|
| |
| Ficha tecnica | |
| Dirección | Hans Weingartner |
| Producción | Hans Weingartner Antonin Svoboda |
| Guión | Katharina Held Hans Weingartner |
| Musica | Andreas Wodraschke |
| Fotografía | Daniela Knapp |
| Actors | Daniel Brühl Julia Jentsch Stipe Erceg |
| Datos y cifras | |
| País(es) | Alemanya Austria |
| Anyo | 2004 |
| Durada | 127 min. |
| Idioma(s) | Alemán |
| Ficha en IMDb | |
Die fetten Jahre sind vorbei (en alemán; Os anyos d'abundancia son rematatos en aragonés), estrenata en Aragón como Los edukadores (Os edukadors en aragonés), ye una cinta austro-alemana d'o anyo 2004 escrita y dirichita por l'austriaco Hans Weingartner y protagonizata por Daniel Brühl. Fue nominata a la Palma d'Oro como millor filme de 2004 en o Festival de Cine de Canas.
A cinta recenta os feitos desvenitos a tres activistas anticapitalistas anarquistas: Jule (Julia Jentsch), Peter (Stipe Erceg) y Jan (Daniel Brühl).
Argumento[editar | modificar o codigo]
Jule ye una cambrera que treballa ta pagar a deuda por haber chocato con l'auto carismo d'un millonario (Hardenberg); debito a os compromisos d'a deuda no puet pagar o loguero d'o piso y be de mudar-se con o suyo novio Peter, que comparte piso con o suyo amigo Jan.
Peter marcha de vacanzas a Barcelona, por o que dixa a la suya novia con Jan, qui informa a ista d'as actividatz a las que s'adedican Peter y ell de nueits; os chovens dentran en as casas de personas millonarias, desordenan as cosas y dixan mensaches como "Os suyos diyas d'abundancia son contatos" con o que quieren causar medrana psicolochica a os millonarios, pues no furtan brenca. Jule demanda a Jan dentrar en a casa de Hardenberg, a qui adeuda os diners y que se troba de vacanzas. Dimpués de realizar as suyas actividatz Jule xublida o suyo telefono móbil en a mansión, por o que han de tornar-ie. Ya aintro son vistos por Hardenberg, qui bi torna inesperadament, asinas que deciden de gritar a Peter, qui tamién ha tornato d'o suyo viache y entre os tres prenen como ostache a Hardenberg adugando-lo enta una casa de campo d'un familiar de Jule an que remanen por bells diyas mientres resuelven que han de fer.
Astí se chenera una relación sentimental entre Jan y Jule que afecta la relación d'amistat entre os tres. A la fin deciden de tornar a Hardenberg a casa suya, qui promete no denunciar-los. Dimpués aparentement no cumple a suya promesa y poco dimpués acude con un operativo policial a casa d'os chovens, pero se la troban vueda y en a paret una nota que diz Manche Menschen ändern sich nie (bellas personas nunca no cambean). Peter, Jan y Jule ya han "eslampato" a Barcelona dimpues d'haber solucionato as suyas esferencias y dende asti continan con os suyos plans anticapitalistas.
Vinclos externos[editar | modificar o codigo]
- (en) Die fetten Jahre sind vorbei en IMDb.
- (de) Pachina web oficial d'a cinta.