Dido endice

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

O dido endice

O dido endice u indice ye o segundo dido d'a man humana, chusto a o costato d'o pulgar.

Por un regular ye o dido mas expresivo y sensitivo d'a man, encara que no ye o mas luengo. Bells estudeos han contrimostrato que tener un dido endice mas chicot que o dido anular ye indicativo d'una propensión a estar un individuo mas atletico. Os hombres presentan una probabilitat 2.5 vegatas superior a las mullers de tener un endice mas curto que l'anular, feito que allora s'ha correlacionato con un incremento d'a probabilitat por parti d'as mullers de desembolicar artritis.

Chestos

Ye un dido que por un regular s'usa ta sinyalar, encara que en bells países ye considerato un chesto de mala educación. Tamién se fa servir como simbolo d'haber ganato en una competición esportiva. D'atra man si se mueve de dreita ta ezquierda en un movimiento oscilant representa una negación. Si se zarra la boca de forma tanchencial con ell, gosa significar una petición de silencio.

Denominacions populars

L'ALEANR reculle diferents denominacions como indice, indiza, endice, endiza (tanto esdrúixulas como planas) y atras formas como nizial en localidatz dica fa poco aragonesofonas de l'Alto Aragón, a vegadas coexistindo.

As formas que encomienzan por in- se tienden a documentar más en as arias más conservaderas d'as vals d'o Pireneu axial: Hu 101, Hu 100, Hu 102, Hu 103, Hu 104, Hu 105, Hu 106, Hu 107, Hu 108, Hu 111, Hu 112, Hu 200, Hu 301, Hu 303, Hu 401, Z 200, ecetra.

As formas con en- se pueden trobar en o Pireneu axial (Hu 202), pero son mas comuns en o prepireneu y semontano, sobre tot o sector central: Hu 400, Hu 302, Hu 109, Hu 110, Hu 107 y Z 202.