Collateral (cinta)

Iste articlo ye sobre una cinta estausunidense de cine negro d'acción y d'intriga enguerada en 2004; ta atros usos, se veiga Collateral.

Collateral
Títol	Collateral
Póster d'a cinta.
Ficha tecnica
Dirección	Michael Mann
Aduyant de dirección	Jesse Sternbaum
Dirección artistica	Daniel T. Dorrance
Producción	Michael Mann Julie Richardson
Disenyo de producción	David Wasco
Guión orichinal	Stuart Beattie
Musica	James Newton Howard
Soniu	Elliott Koretz Lee Orloff Michael Minkler Myron Nettinga
Fotografía	Dion Beebe Paul Cameron
Montache	Jim Miller Paul Rubell
Escenografía	Sandy Reynolds-Wasco
Vestuario	Jeffrey Kurland
Casting	Francine Maisler
Actors	Tom Cruise Jamie Foxx Jada Pinkett Smith Mark Ruffalo Peter Berg Bruce McGill Irma P. Hall Barry Shabaka Henley Klea Scott Javier Bardem Emilio Rivera Thomas Rosales, Jr. Jason Statham Paul Adelstein
Color	Panavision Technicolor
Datos y cifras
País(es)	Estaus Unius
Anyo	2004
Debantadera	2 d'agosto de 2004 California (Estaus Unius)
Chenero(s)	Cine negro Cine d'acción Cine d'intriga
Durada	120 min.
Idioma(s)	Anglés Francés Coreano Castellano
Companyías
Productora(s)	Parkes/MacDonald Productions Edge City Forward Pass
Distribución	Paramount Pictures
Presupuesto	65 millons de dólars
Recauto	220,2 millons de dólars
Informacions en bases de datos especializadas:

Collateral (títol orichinal en anglés, en aragonés Colateral, enguerada en Aragón con o suyo títol orichinal) ye una cinta de cine estausunidense de cine negro d'acción y intriga enguerada l'anyo 2004, dirichida por Michael Mann seguntes un guión orichinal de Stuart Beattie, con una banda sonora orichinal de James Newton Howard, una dirección de fotografía de Dion Beebe y Paul Cameron y una producción cinematografica de Michael Mann y Julie Richardson ta las productoras Parkes/MacDonald Productions, Edge City y Forward Pass. Conta con un elenco d'o cual en fan parte, entre d'atros actors, Tom Cruise, Jamie Foxx, Jada Pinkett Smith, Mark Ruffalo, Peter Berg, Bruce McGill, Irma P. Hall, Barry Shabaka Henley, Klea Scott, Javier Bardem, Emilio Rivera, Thomas Rosales, Jr., Jason Statham y Paul Adelstein.

Max Durocher treballa como taxista de nueiz en Los Angeles y lo suyo suenio ye de guardar ta reunir prous diners ta montar una empresa de limusinas de luxo. Bel día leva coo pasachera a Annie Farrell, una fiscal, y ista, ganada por a simpatía de Max, li da la suya tarcheta de visita ta que la clame. Lo siguient pasachero que transporta ye Vincent, qui explica que ye en Los Angeles nomás que por una nueit, ta zarrar un tracto immobiliario, y remata por contractar os suyos servicios por toda la nueit, en veyer l'alta capacidat profesional de Max. En o suyo primer estache, un cadavre caye dende l'alto sobre lo suyo taxi, y bien luago para cuenta que ye Vincent qui l'ha matau. Vincent reconoix que treballa como asasino por encargo, y que l'han contractau ta fer bels asasinatos ixa nueit en Los Angeles. Obliga a Max a amagar o cadavre en o maletero de l'auto y a continar levando-lo a cometer mas asasinatos, encara que plega de fuyir-ne de contino. Ray Fanning, un Policía d'a ciudat, bien luego descubre que las victimas son todas testigos en un caso criminal y deduz que se tracta d'asasinatos por encargo. Tanimientres, por una serie de circunstancias ye lo solo policía en o creyer que l'asasino ye Max, como bellas circumstancias parixen indicar, so que una tercera persona. En un d'os lugars a on ha de fer un asasinato, un club nocturno, Vincent mata a lo policía Ray, y Max, en fuyir, emplasta deliberadament l'auto. Dimpués de l'accident, veye accidentalment o portátil de Vincent y descubre que la siguient y zaguer victima ye Annie, la fiscal que li heba dau a suya tarja de visita, y corre enta la suya casa ta salvar-la.

A cinta s'ambienta en Los Angeles (California) en a suya epoca actual (2004) y las suyas escenas se filmoron en Culver City, El Segundo, Long Beach, Los Angeles, Pico Rivera y Redondo Beach en California.

Ye una cinta que ha recibiu cuantos premios y nominacions, en destacando dos nominacions a los Premios Oscar en a suya 77ena edición (Millor Actor Segundario y Millor Montache), un Premio BAFTA (Millor Fotografía) y atras cinco nominacions (Millor Director, Millor Guión Orichinal, Millor Actor Segundario, Millor Montache y Millor Soniu) en a suya 58^{ena edición}, y una nominación a los Premios Globos d'Oro en a suya 62^ena edición, a lo Millor Actor Segundario.

Elenco

Actor	Papel	Notas
[[]]	'

Se veiga tamién

• Cine en 2004.
• Cintas de 2004.

Referencias

• Datos: Q110203