Gratacielos
Un gratacielos u grataciels ye un edificio de muitos pisos u plantas. Por un regular, o limite inferior d'altaria a partir d'o que un edificio gosa considerar-se gratacielos ye de bells 100 metros (333 pietz), encara que muitos profesionals d'o sector consideran gratacielos a partir de 12 plantas, 150 metros u más de 200 metros d'altaria.
A razón d'a suya construcción ye o maximo aprofitamiento economico d'o suelo. Por ixo, gosan trobar-se a-saber-los gratacielos agrupatos en as zonas comercials de grans ciudatz, a on que a valura d'o suelo ye alta.
Istas agrupacions de gratacielos dibuixan a sobén una linia d'horizont caracteristica de muitas ciudatz, como Nueva York, Chicago, Panamá, Hong Kong u Dubai.
Gratacielos en Aragón[editar | modificar o codigo]
En Aragón nomás bi ha un edificio de más de 100 metros d'altaria, a torre de telecomunicacions de Telefónica de Zaragoza, conoixita popularment como Pirulí, con 115 metros encluyendo l'antena. As torres d'o Pilar son as segundas con 95 metros d'altaria y a torre d'a Seu d'o Salvador ye a tercera con os suyos 90 metros. As torres d'o World Trade Center Zaragoza son os quatrenos edificios más altos d'a capital con 77 metros y 21 pisos.[1] Y a cinquena estructura más alta d'a capital de l'Ebro y d'Aragón ye a Torre Aragonia en o Centro Comercial Aragonia, con 77 metros, un metro mas que a sisena que ye a Torre de l'Augua con 76 metros d'altaria.