Nelson Mandela
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Nelson Mandela  
| |
|---|---|
| |
| 27 d'abril de 1994 – 14 de chunio de 1999 | |
| Lugartenient | Frederik de Klerk Thabo Mbeki |
| Precediu por | Frederik de Klerk |
| Succediu por | Thabo Mbeki |
| Naiximiento | 18 de chulio de 1918 Mvezo, Provincia Oriental d'o Cabo, Sudafrica |
| Muerte | 5 d'aviento de 2013 Johannesburgo, Gauteng, Sudafrica |
| Partiu | Congreso Nacional Africano |
Nelson Rolihlahla Mandela conoixito a sobén en o suyo país como Madiba [1] (Umtata, Sudafrica, 18 de chulio de 1918 - Johannesburgo, Gauteng, Sudafrica, 5 d'aviento de 2013) [2] estió un politico sudafricano reconoixito en tot o mundo por a esfensa d’os dreitos humanos, y pasará a la historia como un d'os líders d’a luita contra l’apartheid y por a igualdat social. Pasó vintisiet anyos d’a suya vida zarrau en a prisión, y en salir escayeixió o primer president d'o suyo país esleito por sufrachio universal. En 1992 estió galardonato con o Premio Prencipe d'Asturias de Cooperación Internacional y en 1993 con o Premio Nobel d'a Paz ambos chunto con Frederik Willem de Klerk.[3][4]
Biografía[editar | modificar o codigo]
Mandela naixió en 1918 d’Umtata, en a provincia de Cabo Oriental de Sudafrica.
Estió o primer advogau negro de Johannesburgo, de conchunta con Olivier Tambo.
L’anyo 1944 entró a formar parte d’o Congreso Nacional Africano (ANC), partiu que luitaba contra l’apartheid, una segregación racial que s’institucionalizó en 1948, quan o Partiu Nacional plegó en o poder.
En 1952 Mandela estió trigau vicepresdent de l’ANC, y emprendió una campanya de desobediencia civil contra as leis inchustas, que culminó o 6 d’abril de 1952, quan se commemoraban os 300 anyos d’a fundación de Ciudat d’o Cabo y a plegada d’os primers blancos en Sudafrica. D’os 10.000 manifestants, 8.500 estioron detenius, entre ells, Mandela. Estió condenau a nueu meses de prisión y arresto domiciliario, y mientres iste tiempo organiza l’ANC en celulas clandestinas.
En 1955 reapareixió en publico, y l’atro anyo estió deteniu unatra vegada acusau de traición. En 1961 estió absuelto, pero en 1964 estió condenau a cadena perpetua por a vinculación con o brazo militar de l’ANC.
No estió liberau dica 1990. Vintisiet anyos engarcholau en condicions muit duras. Entre iste tiempo, estió fendo-se un simbolo a nivel internacional. Asinas, en salir d’a prisión estió eslechiu president de l’ANC, en substitución d’Olivier Tambo. Mandela esfendió a conciliación y negociación con o gubierno, y a renuncia a la violencia a cambeo de l’abolición de l’apartheid.
As negociacions pa meter fin a la segregación racial ocurrioron entre 1990 y 1993, y culminoron con as esleccions de 1994, en que Nelson Mandela estió trigau o primer president negro de Sudafrica.
L’anyo 1993, Mandela recibió o premio Nobel d’a Paz, conchuntament con F. de Klerk, zaguer president d’o rechimen segregacionista.
Mandela encabezó un gubierno centrau en a reconciliación entre 1994 y 1999. Mientres ista presidencia, y pa privar a impunidat en as responsabilidatz de l’apartheid, instituyó o Comité pa la Verdat y a Reconciliación, presidiu por Desmond Tutu. Tamién en aquell periodo, concretament o 24 de chunyo de 1995, se realizó a final d’o Mundial de rugby, an que a selección sudafricana, os Springboks, se proclamó campeona d’o mundo en Johannesburgo contra os Ajo Blacks neozelandeses.
A suya ye una historia de luita y dialogo en favor d’a chusticia y a paz, Nelson Madela se retiró d’a vida publica en 2004, tres anyos dimpués d’haber-le diagnosticau un cáncer de prostata.
O gubierno sudafricano anunció a suya muerte o 6 d'aviento de 2013.
Filmografía[editar | modificar o codigo]
Referencias[editar | modificar o codigo]
Vinclos Externos[editar | modificar o codigo]
- (an) https://web.archive.org/web/20160402171912/http://www.arredol.com/sudafrica-anuncia-a-o-mundo-a-muerte-de-nelson-mandela/, en Arredol.
| Predecesor: Frederik de Klerk |
President de Sudafrica 27 d'abril de 1994 – 14 de chunio de 1999 |
Succesor: Thabo Mbeki |
| Predecesor: Rigoberta Menchú |
Premio Nobel d'a Paz 1994 |
Succesor: Yasser Arafat, Shimon Peres e Isaac Rabin |
 Premios Prencipe d'Asturias
| ||
|---|---|---|
Predecesor: ACNUR
|
Premio Prencipe de Cooperación Internacional 1993 |
Succesor: Fuerzas de paz d'as Nacions Unitas
|