Utero
L'utero[1] (d'o latín utĕrus) ye una porción de l'oviducto de los mamifers euterios[2] y marsupials que presenta una gruesa paret muscular u miometrio cubierta d'una mucosa con muita irrigación sanguinica u endometrio y que representa una cavidat interna enamplable a on s'alochará l'embrión y dimpués feto mientres lo desarrollo embrionario. Tamién presenta una tunica exterior de teixito conchuntivo. En los euterios lo endometrio estableix una connexión vascular gran con las membranas embrionarias a traviés de la placenta.[3]
L'utero presenta diferents formas en diferents órdens de mamifers. Los uters de los dos oviductos no son fusionaus en los radedors (utero doble), pueden estar fusionaus dica la mitat en los insectivoros y perisodactilos (utero bicorne), fusionaus en la part caudal en los carnivoros (utero bipartito), u fusionaus de tot en los simios. En l'utero de los simios (y los humans) se distingue dos parz: cuerpo y cuello u cervix. Lo cuerpo de l'utero ye amplo y ye a on desembocan las trompas de falopio. Lo cuello de l'utero ye estreito y de forma cilindrica y comunica con la vachina.
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ Adolfo Aguilar, Eduardo de Juana y Arturo Morales. Historia Natural, tomo 6 Zoología - Vertebrados. Carroggio, 1989, pp54
- ↑ C.P.J.Hickman Principios Integrales De Zoologia - 10ª Ed. McGraw-Hill. 1998. pp94
Bibliografía
[editar | modificar o codigo]- Adolfo Aguilar, Eduardo de Juana y Arturo Morales. Historia Natural, tomo 6 Zoología - Vertebrados. Carroggio, 1989.
