Chilviella

De Biquipedia
Ir a la navegación Ir a la búsqueda
Chilviella
Municipio d'o País Valencián
Escudo d'armas
Xirivella. Ajuntament 1.JPG
Entidat
 • Estau
 • Comunidat
 • Provincia
 • Comarca
Municipio
Flag of Spain.svg Espanya
Flag of the Land of Valencia (official).svg País Valencián
Valencia
Huerta Ueste
Superficie 5,2 km²
Población
 • Total

30 197 hab. (2013)
Altaria
 • Meyana

17 m.
Distancia
 • 4,9 km

enta Valencia
Alcalde Enrique Orti Ferre
Codigo postal 46950
Coordenadas
Chilviella ubicada en País Valencián
Chilviella
Chilviella
Chilviella en País Valencián
Web oficial

Chilviella (Xirivella en valencián) ye un municipio de la provincia de Valencia, situato en la comarca de lo Huerta Ueste. La suya población ye de 30.212 habitants (2007), en una superficie de 5,2 km² con una densidat de población de 5.810 hab/km².

Toponimia[editar | modificar o codigo]

Ye citada en lo "Repartiment" como Xilbiela, que hemos d'interpretar como Chilviella, (en grafía medieval a vegadas escribiban Belxit y Sanxo y feban servir a ch pa representar o fonema k por eixemplo en alcharea).

Comendator d'Alcaniç, alqueriam de Xilbiela, de l'Argarbia, et domos que fuerunt d'Alarif, in quibus stat arrayç Aboçatan, iuxta domos d'Abiniuniç. X kalendas marcii. Cum molendinis et furnis

Dicen de L'Argarbia, u siga, "de l'ueste", pa diferenciar-la d'atra homonina Xilvela del Axarquia, u siga, "de l'este", que se crei que yera por Benicalap u Casas de Bàrcena.

Lo toponimo Chilviella ye mozarabe y se remonta a lo latín SILVELLA[1], con un sufixo -ELLA anyadiu a SILVA ("selva"), parola que evolucionó igual en lo toponimo serrán Chelva. Los toponimos romances escritos en lo Repartiment no son los toponimos mozarabes orichinals y son formas modificadas por los escribans, en este caso un aragonés, no habendo-ie influencia aragonesa en la mención de Xilbela del Axarquia.

Fuese la forma mozarabe orichinal con diftongo (Chilbiella) u sin de diftongo (Chilbella), en catalán la parabra orichinal evolucionó ta Xirvella y dimpués ta Xirivella, (en catalán occidental se prenuncian africatos con ch, pero en la grafía catalana y valenciana s'escriben con x d'alcuerdo con una tradición medieval). La forma con diftongo Chiriviella encara existe como apelliu.

Cheografía[editar | modificar o codigo]

Chilviella se situa en la Huerta Valenciana, a l'ueste de la capital. Lo clima ye mediterranio.

La suya situación en lo Plan de Quart li confiere un releu plan y muito apto pa l'agricultura. Orichinariament lo río Guadalaviar no pasaba por lo suyo termin municipal, y regaban la suya huerta con la zeica de Faitanar, que encara ye en funcionamiento. Dimpués de la creixida de 1957 se modificó la glera de lo río Guadalaviar y construyoron una nueva glera seguindo lo prochecto Pla Sud. Dende alavez, Chilviella veyió partiu lo suyo territorio en dos partz: una pegada a Valencia ciudat a l'este y la mes gran part de lo termin municipal a l'ueste.

Referencias[editar | modificar o codigo]

  1. (es) Leopoldo Peñarroja Torrejón: El mozárabe de Valencia. Editorial Gredos, 1990, p 174.


Municipios d'a comarca Huerta Ueste
Alaquàs | Aldaia | Chilviella | Manises | Mizlata | Paterna | Picanya | Quart de Poblet | Torrent