Chiemsee

De Biquipedia
Ir ta: navego, busca
Iste articlo ye sobre o laco Chiemsee. Ta o municipio d'o districto de Rosenheim se veiga Chiemsee (municipio)
Chiemsee
Cheamsee
Chiemsee010.jpg
O Cheamsee
Administración
País Flag of Germany.svg Alemanya
Estato {{{estato}}}
Provincia {{{probinzia}}}
Comarca {{{comarca}}}
Municipio
Cheografía
Tipo
Orichen {{{orichen}}}
Superficie 79,9 km²
Altaria m
Longaria km
Amplaria km
Fondura 72,7 m
Volumen hm³
Hidrografía
Fuent Ríos Tiroler Achen, Prien, Alz
Desagüe
Mapa
Location Chiemsee.PNG

Chiemsee (pronunciau en alemán /ˈkiːmzeː/, en austro-baverán Cheamsee, literalment o "laco Chiem") ye un laco d'augua dulza situato en Bavera, Alemanya, entre Rosenheim y Salzburgo, Austria. Se conoixe a sobén como a Mar de Bavera (en alemán das bayerisches Meer, en austro-baverán s Boarische Meer). Os ríos Tiroler Achen y Prien desembocan en o laco por o sud y o río Alz lo fa por o norte. O Chiemsee se divide en una sección gran en o noreste dita Weitsee y un atra sección en o sudueste dita Inselsee.

A rechión arredol d'o Chiemsee se conoixe como Chiemgau y ye una famosa aria d'ocio.

Orichen[editar | editar código]

O Chiemsee se formó, como muitos atros lacos pre-alpins, en zaguerías d'a zaguera Edat de Chelo fa alto u baixo 10.000 en una foyeta creyada por una chelera (lo que en alemán se conoixe como Zungenbecken). Orichinalment o laco cubriba un aria d'alto u baixo 240 km², lo que ye tres vegadas a suya aria actual. En 100 a suya aria heba baixau dica os 80 km². Antis de 1904 o livel de l'augua heba baixau ya alto u baixo un metro. Como resultau, i apareixioron grana arias de tierra ixuta.

Islas[editar | editar código]

Bi ha dos islas prencipals en o laco, a Herrenchiemsee (a mas gran, con un aria de 238 ha) y a Frauenchiemsee (con 15.5 ha), tamién ditas Herreninsel (isla d'os caballers) y Fraueninsel (isla d'as mullers), respectivament. A tercera isla, a Krautinsel (isla d'as cols[1]), ye a mas chicota (3.5 ha) d'as tres y ye deshabitada.

  • En a Herrenchiemsee se troba un palacio construyiu por o rei Loís II en 1878 y que nunca no fue rematau, encara que heba d'estar una replica d'o palacio de Versailles, en Francia. Muitas d'as cambras d'o castiello son ubiertas ta os turistas, fendo-se en verano vesitas guidadas por o castiello y a isla.

Amás bi ha atras tres islas muit chicorronas: a Schalch, situada a l'ueste d'a Frauenchiemsee; y atras dos islas sin nombre que se troban a 54 y 80 metros a o sud d'a Krautinsel y que tienen un aria de 30 m² cadaguna.

Galería de fotos[editar | editar código]

Referencias[editar | editar código]

  1. Ya que en a Edat Meya, a monchas cultivaban verduras y cols astí.

Vinclos externos[editar | editar código]