Archaea

De Biquipedia
Ir ta: navego, busca
Articlo d'os 1000
Archaea
Halobacteria.jpg
Halobacteria sp. cepa NRC-1, cada celula mide alto u baixo 5 μm
Clasificación scientifica
Dominio: Archaea
Phylla
Crenarchaeota
Euryarchaeota
Korarchaeota
Nanoarchaeota

As arqueobacterias u arqueas (Archaea) son un grupo de microorganismos unicelulars. As arqueobacterias, como as eubacterias, son procariotas que mancan de nuclio celular u qualsiquier atro organulo aintro d'as celulas. En o pasato, lis se consideró un grupo inusual de bacterias, pero como tienen una historia evolutiva independient y presentan muitas esferencias en a suya bioquimica respecto a la resta de formas de vida, actualment lis se clasifica como un dominio distinto en o sistema de tres dominios. En iste sistema, presentato por Carl Woese, as tres brancas evolutivas prencipals son as arqueobacterias, as bacterias y as eucariotas. As arqueobacterias se subdividen en quatre fílums, d'os qualos dos, as crenarqueotas y as euriarqueotas, son estudiatas mas intensivament. A clasificación d'as arqueobacterias ye dificultosa, ya que a immensa mayoría d'istos organismos no han estato nunca estudiatos en un laboratorio y nomás lis s'ha detectato por medio de l'analís d'os suyos acidos nucleicos en muestras d'o medio ambient.