Castiello de Troncedo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Castiello de Troncedo
Castiello de Troncedo a la dreita
Situación cheografica
Estau
País

Situación	Troncedo (A Fueva) Uesca, Aragón
Adreza
Coordenatas
Archidiocesi
Diocesi
Arcipestrau
Advocación
Culto
Orden
Rector
Vicario parroquial
2.º Vicario parroquial
Mosen
Propietario
Administrador
Director
Coste	{{{coste}}}
Visitable
Altaria
Pisos
Amplaria
Largaria
Superficie
Diametro
Aforo
Altaria s.l.m.
Atras
Alcance
Iluminación
Potencia
Arquitectura
Tipo
Estilo	Romanico arcaico
Función	Defensiva
Catalogación	Bien d'Intrés Cultural
Materials
Construcción
Construcción	Sieglo XI
Fundador
Inicio
Fin
Devantadera
Destrucción
Arquitecto
Incheniero estructural
Incheniero de servicios
Incheniero civil
Atros
Premios
Pachina web
Localización
Castiello de Troncedo Castiello de Troncedo en Aragón

O castiello de Troncedo ye un castiello medieval d'Aragón que se troba en o lugar de Troncedo, en o municipio d'A Fueva (comarca de Sobrarbe), y a provincia de Uesca. Troncedo ye una localidat que se troba en l'extremo sud-oriental d'a subcomarca natural que ye A Fueva, fendo de muga con Ribagorza baixa.

O castiello de Troncedo se troba en un garrot en alto d'un cerro que fa parte natural d'a sierra de Campanué u d'o Turón, en as espuendas en dreita d'o barranco d'o Salinar, en una posición de tot avantallosa ta cosirar o paso mas frecuent y comodo que siempre ha gosau existir entre a ribera de Graus (Ribagorza) y o sector mas sud-oriental de Sobrarbe. A suya importancia estratechica se confirma con a linia visual que mantiene con l'asentamiento fortificau de Muro de Roda y con os castiellos de Sant Mitier.^[1]

En a suya construcción s'aprofeitó a penya que de natural feba sallent alto d'o barranco como base ta lo recinto amurallau, fendo sumar ista defensa natural a las que se i construyioron. O recinto s'estructura en una era en cantimplano, en un recuesto a on que a penya forma cillos en a mayoría d'o suyo perimetro, treito de o costau norte que contacta con o nuclio urbano, que se troba habilment bloqueyau con a torre de l'homenache.

A torre de l'homenache ye a construcción mas visible d'o castiello, y con él, de tot Troncedo. S'ha puesto conservar dreita dica l'actualidat. Se tracta d'un edificio imponent,^[1] anque ha gosau perder tot o suyo interior, conservaba dreitos os muros que le daban perimetro pentagonal, anque con graus espaldaturas en o canto sud-occidental.^[1] A torre fa mas de 10 metros d'altaria, y en a part d'alto se conservan 5 finestras (una por cada costau d'a torre) que probablement teneban misión defensiva.

Se'n guarda documentos que dan referencia d'a suya importancia ya en o reinau de Sancho lo Mayor,^[1] en una epoca que cal entender que encara no s'heba reconquiesto a villa de Graus, y por ixo heba de representar un valuart principal en a defensa d'ista part d'os territorios cristianos, en estando a primer fortificación que, malas que una expedición musulmana mirase d'invadir por A Fueva, se concararía con ella.

En l'anyo 1152, Remiro II lo Monche les ne cedió a o bispau de Roda d'Isabana,^[2] el que puede interpretar-se como una disminución d'a suya importancia ta cuan ya s'heba reconquiesto as poblacions en sud de A Fueva. O Castiello de Troncedo fa parte, en chunto con os castiellos de L'Abizanda, d'Escanilla y Sant Mitier, d'el que cualques autors han dau a clamar linia de defensas exteriors de Sobrarbe.