Casas d'el Reino

De Biquipedia
(Reendrezato dende Casas del Reyno)
Ir a la navegación Ir a la búsqueda

As Casas d'el Reino (Casas del Reyno en aragonés medieval; en aragonés moderno Casas d'o Reino) yeran un edificio que s'acordó de construir en 1436, como seu d'a Deputación Cheneral d'Aragón y d'o Chusticia d'Aragón, en a plaza d'A Seu de Zaragoza.

O palacio yera un edificio gotico situau en Zaragoza a o costau d'a Puerta de l'Ánchel, d'o Puent de Piedra y d'a Loncha. Yera l'edificio mas important de Zaragoza por o suyo simbolismo, a suya importancia politica y artistica.

L'edificio estió incendiau durant os Setios de Zaragoza y en acabar a guerra se deixó en ruinas dica que estió arranau ta construir o Seminario Conciliar.

Detalle Ambista de Zaragoza de Mazo (1647)- numero 3 ye as Casas d'el Reino

Descripción[editar | editar código]

L'edificio de tres plantas s'organizaba arredol d'un gran patio central. O goso d'o mesmo yera empedrato con cantos rodaus formando dibuixos.

Teneba tres fronteras: una enta la plaza d'A Seu, un otra enta las Casas del Puent, y a zaguera -a mas conoixida- ent'o paseyo d'Ebro.

I heba dos accesos a l'edificio: uno dende a carrera Cuchillería (actual carrera Don Chaime) y un atro dende a plaza d'a Deputación (actual plaza d'a Seo).[1]

Primera Planta[editar | editar código]

En la primera planta i heba una capiella con un retablo de 1502 de Gil de Morlanes labrau en alabastro y dividiu en tres partes: en o centro la "Coronación d'a Virchen", a totz dos costaus historias de Sant Chorche y de Santa Engracia. En as paretz i heba pinturas de Pablo Raviella.

Segunda planta[editar | editar código]

En a primera planta se trobaba lo clamau salón de Sant Chorche (u tamién salón de Cortz u salón d'o Reino), que mediba 292 palmos de largo, 52 d'amplo y 56 d'altura. Astí se celebraban as Cortes y atros actos solemnes. Teneba seis grans finestras, dos a oriente y quatro a lo norte. En o fondo de dita sala, en a paret d'o costau este yera colocada a traza d'altar la imachen en alabastro de Sant Chorche y lo dragón, que yera obra d'escultor pamplonés Miguel de Ancheta. En as paretz penchaban os quadros de totz os reis d'Aragón, pintaus per Felipe Oriosto con as suyas respectivas inscripcions latinas de Cheronimo de Blancas. O teito yera mudéchar, dorado y adornau con figuras de grifos, lións, centauros y atros animals mitolochicos. En una sala a lo canto se reuniba lo Tribunal d'o Chusticia y yera adornada con retratos de os Chusticia d'Aragón.

Tercera planta[editar | editar código]

Yera lo archiu y l'armería.

I heba un tellau de rombos construiu con tellas d'Alemanya negras y blancas.

A chicota ilesia de San Chuan d'o Puent tamién formaba parte d'o complexo y yera usada como capiella real.

Historia[editar | editar código]

En as Cortz d'Aragón celebradas en 1427 se decidió construir una siede permanent ta la Deputación d'o Cheneral d'o Reino d'Aragón. L'edificio estió construido baixo l'adreza economica de Ramón de Mur y las obras duroron entre 1437 y 1450.

En 1670 se construye una cubierta que cubre o patio interior.

En 1707 s'abole o Reino d'Aragón y todas as suyas institucions a causa d'os Decretos de Nueva Planta de Felipe V Borbón. A Real Audiencia se fa cargo de l'edificio que pasa a denominar-se "Casas de la Audiencia".

O 27 de chinero de 1809 quantas bombas de l'exercito de Napolión que sitiaba Zaragoza cayioron en l'edificio creyando un incendio de tres días de duración. Manimenos, l'edificio no estió por completo cremau por as flamas y gran part se salvo. [2]

Una parte d'a documentación alzada en os archius podió estar salvada de l'incendio gracias a que estió arrullada per las finestras a la plaza d'a Seo.

La resta d'os archius remanioron en o domicilio particular de Ramón de Les dica que en 1820 ye tresladau a la recientment creyada "Deputación Provincial d'Aragón" (en l'actualidat Deputación Provincial de Zaragoza).[3]

Abandonau a suya labor institucional, y amenestiu d'una reconstrucción, estió abandonau por as institucions publicas mientres permeneba o saqueo d'os vecins que aprofitaban os materials.

O palacio estió convertiu parcialment en viviendas que estioron habitadas dica 1828.[4]

En 1830 o palacio estió reblau a l'Arcebispe de Zaragoza. [5] Immediatament se prencipió a construcción d'o Seminario Conciliar aprofitando as restas de l'antigo palacio.

En 1845 s'espaldaba a resta d'a ilesia de San Chuan d'o Puent.

Restas y posible reconstrucción[editar | editar código]

Parte d'os archius estió salvau y forma parte d'a Deputación Provincial de Zaragoza. [6]

Unatra parte sigue desapareixida en mans particulars como una subasta en 2017 metió en evidencia. [7]

Los alazetz y parte d'as paretz pueden haber-se conservau como parte de l'actual edificio de l'antigo Seminario Conciliar (actualment "Casa de la Iglesia"). [8]

L'escudo d'armas de l'edificio se conserva en o Museu de Zaragoza. [9]

Existe una propuesta pa reconstruyir l'edificio de nuevo. [10]

Referencias[editar | editar código]

  1. "Zaragoza según el plano de 1712 y su vecindario de 1723", José María Ballestín, Institución “Fernando el Católico”, 2017, p. 81
  2. ’’Lo que no (solo) destruyeron los franceses. El ocaso del palacio de la Diputación del Reino de Aragón’’, Institución “Fernando el Católico”, 2014, p. 35
  3. www1.dpz.es/cultura/archivo-biblio/archivo/historia.htm
  4. ’’Lo que no (solo) destruyeron los franceses. El ocaso del palacio de la Diputación del Reino de Aragón’’, Institución “Fernando el Católico”, 2014, p. 52
  5. ’’Lo que no (solo) destruyeron los franceses. El ocaso del palacio de la Diputación del Reino de Aragón’’, Institución “Fernando el Católico”, 2014, p. 61
  6. [[1]]
  7. [[2]]
  8. [[3]]
  9. [web d'o Museu de Zaragoza]
  10. [[4]]