Casas d'el Reino

De Biquipedia
(Reendrezato dende Casas del Reyno)
Ir ta: navego, busca

As Casas d'el Reino (Casas del Reyno en aragonés medieval; en aragonés moderno Casas d'o Reino) yeran un edificio que s'acordó de construir en 1436, como seu d'a Deputación Cheneral d'Aragón y d'o Chusticia d'Aragón, en a plaza d'A Seu de Zaragoza. Teneba tres fronteras: una enta la plaza d'A Seu, un otra enta las Casas del Puent, y a zaguera -a mas conoixida- ent'o paseyo d'Ebro. A Sala de Sant Chorche, en do se feba as sesions d'as Cortz d'Aragón, yera a mas noble, con os retratos d'os reis d'Aragón y un retablo de Chil de Morlans, de do provienen dos escudos d'Aragón conservaus en o Museu de Zaragoza. También yera l'Archivo d'o Reino d'Aragón.

Tot lo conchunto, talment l'edificio civil más conoixiu de Zaragoza enta par d'alavez, se cremó en os bombardeyos de Zaragoza de zaguers de chinero de 1809, por l'exercito de Napolión. As ruinas suyas se aproveitoron en 1830 ta fer-ie o Seminario Conciliar, y en zaguerías se son convertidas en dependencias d'o Palacio de l'Arcebispe.