Casa natal de Francisco de Goya

De Biquipedia
Ir a la navegación Ir a la búsqueda
Casa natal de Goya
Casa natal de Francisco Goya, Fuendetodos, Zaragoza, España, 2015-01-08, DD 06.JPG
Amvista d'a frontera d'a casa natal
Situación
Coordenatas {{{Coordenadas}}}
País Flag of Aragon.svg Aragón
Ciudat Fuent de Todos
Información cheneral
Tipo {{{Tipo}}}
Director Elisa Picazo Verdejo
Construcción s. XVIII
Debantadera 1916 (Casa natal)
1989 (Museu d'o Gravato)
Superficie
Horario - 11:00-14:00 y 16:00-19:00 (martes a domingo)
- Luns trancato
Vesitants
Adreza Plaza de Goya, s/n
50142 Fuent de Todos
Telefono 976143830
Pachina web Casa natal de Goya

A Casa natal de Goya ye un edificio que se troba en a localidat de Fuent de Todos (Campo de Belchit), en a qual naixió o pintor aragonés Francisco de Goya o 30 de marzo de 1746. Actualment, y dende l'anyo 1989, ye un museu en o qual se conserva materials, reproduccions d'obras y documentos de Goya, asinas como tamién trastes y muebles d'estilo aragonés.

L'edificio[editar | editar código]

L'edificio ye una casa rural de labradors, con totz os suyos obchectos tradicionals. A frontera y as paretz son de mamposteria bien treballada y piedra picata en as cantonadas. En o interior tién tres plantas, d'as quals a planta baixa ye compuesta de quadra, cocina con minchador y una dentrada an bi ha una escalera que puya ta la primer planta, en a qual bi ha una sala de trobar y en os suyos cantos dos cambras. A falsa ye un graner con un teito con dos versants. Antimás a casa tién muebles, trastes, cuadros y documentos d'a epoca.

Historia[editar | editar código]

Ista casa yera propiedat de Miguel Lucientes, chirmán de Gracia Lucientes, mai d'o pintor y d'ascendencia fidalga. Poco dimpués de que a familia Goya s'instalase en a casa debito a o treballo d'o pai José Goya, o qual teneba que dorar o retablo mayor d'a ilesia d'o lugar, naixió o famoso pintor. Bellas anyadas dimpués a familia tornará ta Zaragoza.

En l'anyo 1913 o pintor Ignacio Zuloaga y una colla d'artistas zaragozanos identifican a casa, a qual mercan a Benita Aznar Lucientes, una sobrina-fillata de Goya. Más tardi, en 1928, o Sendicato d'Iniciativas y Propaganda d'Aragón (SIPA) creya una chunta t'a remeranza d'o Centenario d'a muerte de l'artista. Dentre os suyos obchectivos ye a conservación d'a casa, t'a o qual mercan a casa contigua.

Desgraciadament mientres a guerra civil, a Casa natal ye parcialment destruyita, por lo que estió esviellata en 1946 por Teodoro Ríos. Posteriorment, en 1981, a Dirección Cheneral de Artes Politas aprebó un nuevo esvielle, d'o qual as obras rematoron en 1985. O 13 de chulio d'ixe anyo estió devantada oficialment, y por un Real Decreto de 1982 estió declarata Molimento Historico Nacional.

Sala Zuloaga[editar | editar código]

A Sala Zuloaga ye un espacio expositivo clavato en a casa contigua a la casa natal y a qual en l'anyo 1917 Ignacio Zuloaga convirtió en escuelas con estieron clamatas con o suyo nombre. Ye una casa tradicional de dos plantas que estió esviellata como sala d'exposicions en os anyos 90 y debantada o 30 de marzo de 1996 con una exposición sobre o pintor vasco[1].

Dende ixe inte a sala ye especializata en as Artes graficas, con exposicions d'artistas como: Picasso, Miró, Gordillo, Arroyo, Plensa, Guinovart, Saura, Chillida, Arroyo, Gordillo, Hernández, Hernández Pijoan, Ràfols- Casamada, Víctor Mira, Natalio Bayo, Francisco Pradilla, Ricardo Baroja, Gutiérrez Solana, Manuel Lahoz, Joan Brossa, Flaxman y bells altros.

Referencias[editar | editar código]

Veyer tamién[editar | editar código]

Vinclos externos[editar | editar código]