Museu d'o Gravato de Goya

De Biquipedia
Ir a la navegación Ir a la búsqueda
Museu d'o Gravato de Goya
Situación
Coordenatas {{{Coordenadas}}}
País Flag of Aragon.svg Aragón
Ciudat Fuent de Todos
Información cheneral
Tipo {{{Tipo}}}
Director Elisa Picazo Verdejo
Construcción s. XVIII
Debantadera 1989
Superficie
Horario - 11:00-14:00 y 16:00-19:00 (martes a domingo)
- Luns trancato
Vesitants
Adreza C/ Zuloaga, 3
50142 Fuent de Todos
Telefono 976143895
Pachina web Museu d'o Gravato de Goya

O Museu d'o Gravato de Goya ye un museu que se troba en a localidat de Fuent de Todos (Campo de Belchit) y que estió devantato en 1989 en una casa tradicional esviellata ta ixe uso.

L'edificio[editar | editar código]

A casa ye un edificio tradicional aragonés con tres plantas: a baixa compuesta de dentrada, cocina, quadra y un siestro chicot con pozo; a primera planta que tién quatre posientos, y a falsa, que estió un antigo graner. Quan a casa estió esviellata ta ser un museu, se decidió conservar o suyo tarabidau y tipolochía. Por ixo os elementos prencipals como as escaleras estioron esviellatas y solo as paretz estioron espaldadas por motius de funcionalidat.

Historia[editar | editar código]

En os anyos 80 bells pintors mercaron as suyas obras con l'obchectivo de financiar a creyación de un museu de Goya en Fuent de Todos con l'adquisición de dos coleccions de gravatos. Asinas, a Deputación Provincial de Zaragoza y o Concello de Fuent de Todos decidioron a merca de una casa antiga d'a carrera Zuloaga, muito circa d'a casa natal d'o pintor; y estió esviellata dica a suya devantada en o mes d'abril de 1989 como Museu d'o Gravato, con as coleccions d'os gravatos de Francisco de Goya.

Coleccions[editar | editar código]

Hue se troban en o museu as quatre coleccions d'os gravatos d'o pintor aragonés, as quals son a parti más important d'o museu[1]. Istas coleccions son as siguient:

  • Os Caprichos: creyatos dentre 1797 y 1799 ye una colección de 80 estampas an Goya cretica os vicios y as malas costumbres d'a sociedat de l'epoca.
  • As esferras d'a guerra: 82 estampas sobre as esferras d'a guerra d'a independencia espanyola, feitas dentre 1810 y 1815 con un estilo totalment nuevo en a historia de l'arte.
  • A Tauromaquia: una serie de 40 estampas feita en 1815 sobre as corridas de toros, espectaclo miuto popular en ixa epoca.
  • Disparates: a zaguer colección d'as quatre series de gravatos, estió feita dentre 1816 y 1824 con 22 estampas muito dificils de replecar.

Referencias[editar | editar código]

Veyer tamién[editar | editar código]

Vinclos externos[editar | editar código]