Brenda
A brenda[1][nota 1] u berienda[1][nota 2] (d'o latín merĕnda) ye un tipo de comida lichera que se fa a meyatardi u antis d'a cena. Gosa minchar-se ta brendar un entropán, u troz de pan con embutiu, pastas u bollería, acompanyado de bella bebida, frida u calient, como café, batiu, suco, chicolate calient u leit, entre atros.
Tamién puet consistir en bella pieza de fruita, yogurt, café con leit, etc.
A brenda arredol d'o mundo
[editar | modificar o codigo]A brenda ye una comida tipica en muitos países[2] mas que mas d'o Sud d'Europa como Espanya (a on se diz en castellano merienda), Italia (en italiano merenda) u Croacia (conoixita como marenda), Latinamerica y as Filipinas.
Entre os archentinos y uruguayos ye habitual fer a merienda arredol d'as 7 d'a tardi, entre a chenta y a cena. Por un regular consiste en una infusion (te, mate, café, mate cueto, etc.) y una pieza de repostería (pan, tostadas, tartas, etc.), acompanyatas a sobén por dulce de leit, miel, manteca u bella confitura.
En as islas Filipinas, a brenda (en filipino meryenda u minandál) ye una comida lichera que se mincha de tardis.[3] Cuan a merienda ye mas tardi, chusto antis de cenar se diz que ye una merienda cena.[4]
En Catalunya, o País Valenciano y as Islas Balears, se conoixe en catalán como berenar u bereneta (ista zaguera forma se fa servir mas que mas en Menorca). Ye habitual minchar pan con tomate y bellas chullas de pernil u queso. A brenda tamién puet estar dulce, como as tartas, os croissants u tamién fruita.
En a costa de Croacia se le diz marenda, y ye una comida entre o desayuno y a chenta.[5] Por un regular se tracta d'un refricherio, como un chicot entropán u una tostada, que se mincha mientres as horas de treballo.
Notas
[editar | modificar o codigo]Referencias
[editar | modificar o codigo]- ↑ 1,0 1,1 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (en) Solomon H. Katz., ed. ""Spain." Encyclopedia of Food & Culture". Vol. 2. Gale Cengage, 2003; http://www.enotes.com, 2006. http://www.enotes.com/food-encyclopedia/spain. Retrieved 27 December 2010.
- ↑ (en) "Merienda in the Philippines". http://liveinthephilippines.com.+July 3, 2009. http://liveinthephilippines.com/content/2009/07/merienda-in-the-philippines/. Retrieved 27 December 2010.
- ↑ (en) Doreen G. Fernandez. "Filipino Food/Cuisine Glossary". Palayok: Philippine Food Time, On Site, in the Pot. Manila: Bookmark Inc., 2000; http://www.seasite.niu.edu. http://www.seasite.niu.edu/Tagalog/filipino_food_glossary.htm. Retrieved 27 December 2010.
- ↑ (en) "Pleasures of the palate and beverages to quench your thirst". How to survive in and even enjoy Croatia, A guide for smart foreigners. http://www.croatiaguidebook.info/en/enjoying-croatia/food-and-drinks/. Retrieved 27 December 2010.
