Café

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
Granos de café de Colombia tostatos.
Un café.

O café[1] (de l'arabe < qahwa) ye una bebida que s'obtiene por infusión a partir d'os fruitos y simients d'o cafeto (Coffea), que contiene una substancia estimulant dita cafeína. Tamién se conoixe a vegatas como café u cafetería o puesto a on que se bebe café.

Con a simient torrata y molita se fa la infusión conoixita por o mesmo nombre. En Costa Rica, Espanya, Portugal y Río de la Plata a ormino se consume o café torrato u torrefacto (tostato con zucre). Gosa tomar-se como desayuno u en dimpués de minchar, y ye una d'as bebidas sin d'alcohol mas socializadoras en muitos países. Existen cuasi tantas formas de preparar ista bebida como consumidors, pero amás popular, amás de tomar-lo solo, ye a que leba leit, encara que tamién se'n gosa anyader crema u nata, leit condensata, chicolate u bel licor. Se sirve a sobén calient, pero tamién se puet tomar fredo u con chelo.

O cautivo d'o café ye prou estendillato por muitos países tropicals, especialment en Brasil, a on que se troba poco mas d'un tercio d'a producción mundial. O café ye un d'os prencipals productos d'orichen agricola comercializatos en os mercatos internacionals, y a sobén suposa una gran contribución a las exportacions d'as rechions productoras. Se producioron un total de 6,7 millons de toneladas de café anyalment entre os anyos 1998 y 2000, y s'aspera que se a cifra puye ta 7 millons de toneladas anyals en 2010.

Se veiga también[editar | modificar o codigo]

Referencias[editar | modificar o codigo]

  1. (an) Silbia Garcés Lardiés,Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.18

Vinclos externos[editar | modificar o codigo]