Embutiu

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
embutiu

embutius
Orichen cheografico
Cocina: Gastronomía iberica
Se mincha en: Europa, America
Elaboración
Ingredients: carne

L' embutiu ye a pieza de carne, per un regular de tocín, capolada, apanyada y introducida ("embutida") en os budillos de l'animal.[1] Per o suyo conteniu en graixa significativa, que puede estar d'un 30 a un 50 %, se recomienda amoderar o suyo consumo.

Os embutius marcius y cuetos se minchan cuasi a tota hora con un acompanyamiento radiu u nulo: en entropán u con hortalicias u combinaus con bel vechetal como lo melón, a pinya u os espargos. Os embutius que se cocinan en recetas complexas se reducen, cuasi, en as morciellas crudas y negras, que a ormino se cuecen a lo calivo u se friyen en platos fuertes con un acompanyamiento liuchero como as chudías u os fongos.

Os embutius se trestallan en tres grans grupos:

  • Embutius curaus: Son os embutius que se deixan ixucar, penchaus de canyas y se minchan crudos. Per eixemplo: a lenguaniza u lo churizo
  • Embutius cuetos: Son os embutius que se cuecen previament (ya sían bullius u fritos). Per eixemplo son: a salchicha de frankfurt
  • Embutius crudos u frescos: Son os embutius que se venden crudos y que han de cocinar-se antis de minchar-los, como a morciella u lo bratwurst alemán.

Lo pernil, tanto dulce (cueto) como salau (curau), de normal se considera un producto de charcutería y se vende de conchunta con os embutius, encara que no ye propiament un embutiu per no estar embutiu en garra piel, budiello u unatra envoltura.

Referencias[editar | modificar o codigo]

  1. (en) Viguer, Bélen Aguado (2016). Spain - Culture Smart!: The Essential Guide to Customs & Culture. Bravo Limited. p. 104. ISBN 9781857338393.