Ir al contenido

Bondi Beach

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Bondi Beach
Barrio de Sydney

Bondi Beach
Entidat
 • País
 • Ciudat
 • Aria de gub. local
 • Codigo postal
Barrio
Australia
Sydney
Waverley Council
2026
Población
 • Total (2016)

11 656 hab.

Situación de Bondi Beach en Sydney

Bondi Beach (pronunciau /ˈbɒndaɪ/) ye una popular placha y barrio d'a ciudat de Sydney, en Australia. Seguntes o censo poblacional d'o 2016 a población estaría situada en os 11.656 habitants. Bondi Beach se troba a 7 kilometros a l'este d'o districto d'afers central de Sydney, en a rechión de gubierno local de Waverley Concil, en os Barrios Orientals. O barrio ye un d'os mayors centros comercials y residencials de Sydney, y ye considerada como a mas famosa placha d'Australia. Por ixo ye una d'as mayors atraccions toristicas de Sydney.

Historia[editar | modificar o codigo]

A palabra Bondi u Boondi tien orichen aborichen y significa "augua que sale sobre as rocas" u "soniu de l'augua que sale d'as rocas". En l'anyo 1809 o constructor William Roberts en recibió una concesión sobre ista zona, y asinas succesivament con nombres como Edward Smith Hall y Francis O'Brien bi habió un important desenvolique d'o barrio. A o largo d'o sieglo XX Bondi Beach ha estau un barrio de clase treballadora. Dimpués d'a Segunda Guerra Mundial, os Barrios Orientals se transformoron en puest de residencia de chodigos venius Polonia, Rusia, Hongría, Checoslovaquia (actualment Republica Checa y Eslovaquia) y Alemanya.[1][2]

Esporte y ocio[editar | modificar o codigo]

Bondi Beach ye representada en una d'as mas importants competicions esportivas d'Australia, a Liga Nacional de Rugby, por o equipo local d'os Sydney Roosters, oficialment o Eastern Suburbs District Rugby League Football Club (ESDRLFC).

Bondi Beach ye a on remata a cursa City to Surf que se fa cada anyo en agosto. A cursa atraye a mas de 63.000 participants que compiten en un recorriu de 14 km dende o districto d'afers central de Sydney dica Bondi Beach. Atras actividaz anuals que se fan en Bondi Beach son o Flickerfest, o prencipal festival de cintas curtas d'Australia en chinero, o World Environment Day [3] en chunio, Sculpture by the Sea en noviembre y Winter Magic Festival que trayió a 60.000 vesitants en 2016.[4][5] Amás de todas istas actividaz, o mercau de Bondi Beach ye ubierto toz os domingos y o mercau de comida toz os sabados en a escuela publica de Bondi Beach. Muitos turistas irlandeses y angleses pasan o día de Nadal en a placha.

Un camín chunto a l'ocián conecta Bondi con South Head a o norte y atras plachas a o sud dica Coogee.

Bondi Beach estió a seu d'a competición de voley placha en os Chuegos Olimpicos de Sydney 2000.[6] Bi heba un estadio temporal de 10.000 asientos, un atro muito mas chicot, 2 pistas de calentamiento y 3 pistas d'entrenamiento.

Referencias[editar | modificar o codigo]