Nadal

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
A Natividat en un cuadro de Charles Le Brun.

O Nadal (d'o latín < NATALE(M))[1] u a Navidat[2] (d'o latín NATIVITAS; "naixencia") ye una d'as festividaz cristianas mas importants, chunto con a Pascua y Pentecosta, pos celebra a naixencia de Chesucristo. S'enzata con o Nadal u Día de Nadal, que ye celebrato o 25 d'aviento por a Ilesia Catolica y a Ilesia Protestant y o 7 de chinero en a Ilesia Ortodoxa, ya que no acceptó o calandario gregoriano, que cambeó o calandario chuliano de l'epoca romana.

Os anglofablants emplegan o termin "Christmas", o significato d'o cual ye misa ("mass") de Cristo". En bellas luengas chermanicas, como l'alemán, a festividat se clama "Weihnacht", que significa "nueit de bendición". As festividaz de Nadal se proposan, como o suyo nombre indica, celebrar a natividat (u siga, a naixencia) de Chesús de Nazaret.

Tradición nadalenca[editar | modificar o codigo]

Mientres a temporada nadalenca, se gosan celebrar cuantas festividaz amás d'a una de Nueit Buena, como as "posadas", que son fiestas (prou comuns en bel país como Mexico) en as que se recreya a forma en que María y Chusé demandoron un cubilar ta que naixiés o suyo ninón, o Nino Dios.

Tamién se gosa ficar árbols de nadal, que son pins con galanuras como esferas y luces. Baixo d'iste s'aposa un portal de Betlem, ye decir, una representación d'a forma en que naixió Chesús. Cal mentar que a figura d'o Nino Dios no se be de ficar dica que siga 25 d'aviento; o día de Nadal.

En cada país varía a forma de celebrar o Nadal, pos cadaguno tien as suyas propias tradicions locals.

Referencias[editar | modificar o codigo]

  1. (es) Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, ISBN 978-84-1340-315-1, p.319
  2. (es) Brian Mott Nuevo Diccionario Chistabino-Castellano: con información etimológica, Logos Verlag, 2015, ISBN 978-3832539467, p.117

Se veiga tamién[editar | modificar o codigo]