Belarrusos

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Belarrusos беларусы
Choven belarrusa
Rechions con comunidaz importants
Belarrusia 7,99 millons
Estaus Unius 600.000 Rusia 521.443 Ucraína 275.763 Polonia 105.404 Aragón 116
Idiomas
Belarruso
Relichión
Cristiana Ortodoxa
Pueblos relacionaus
Pueblos eslaus
Mapa

Os belarrusos (en belarruso беларусы) son os habitants mayoritarios de Belarrusia y tamién habitan como minoría en Rusia, (en a rechión de Smolensk viven os krivichi u jriviche, consideraus Belarrusos), y Polonia. Parlan luengas eslavas orientals: lo ruso como luenga de cultura y lo belarruso que charran tradicionalment. Son de relichión cristiana ortodoxa.

Luenga

Ta más detalles, veyer l'articlo idioma belarrusoveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O belarruso ye una luenga eslava oriental. En muitos caracters ye intermedio entre o ruso y o polaco. Os textos mes antigos en luenga eslava con rasgos belarrusos son d'o sieglo XIII. A zaguers s'o sieglo XV o belarruso ya heba substituyiu a lo latín como luenga escrita d'o Gran Ducau de Lituania. Os textos mes importants son os codigos churidicos (estatutos lituanos) de 1529, 1566 y 1588, amés de traduccions y prefacios d'a Biblia de Francis Skaryna. Manimenos en 1696 o parlamento polaco prenió a decisión de fer d'o polaco a sola luenga oficial en tota a Unión Polaco-Lituana y o belarruso cayó en desuso como luenga escrita.

O renaiximiento d'a luenga belarrusa se produció a primers d'o sieglo XIX como resultau d'investigacions folkloricas en tierras d'a Unión Polaco-Lituana absorbidas por l'Imperio Ruso, investigacions que quereban demostrar a identidat rusa u polaca d'a población local. L'acumulación d'ixos datos etnograficos, folkloricos y linguisticos conducioron a la conclusión que os belarrusos son un pueblo eslau diferenciau.

Con a publicación d'os periodicos Nasha Dola y Nasha Niva dende 1905 y l'aparición d'os primers escritors destacaus Kupalas, Kolas y Ahdanovich, se fixó una luenga stándard. En a primera guerra mundial os ocupants alemans permitioron l'uso d'esta luenga y que s'ubrisen escuelas belarrusas. Dende 1918 amaneixioron dos normas, a d'os belarrusos de Polonia que teneban como centro intelectural Vilna y a d'os belarrusos d'a URSS, (con a gramatica de Taraxkyevich u Taraxkevitsa como stándard). O belarruso sovietico desembolicó un os anyos 20 una terminolochía d'administración, de fuerzas armadas y ciencias, pero en o decenio de 1930 Stalin esclafó con una fura represión a vida intelectual belarrusa, ordenó una reforma ortografica en 1933 y unos cambios gramaticals enfilaus a amanar a luenga escrita a lo ruso. Os alemans permitioron periodicos en belarruso y escuelas en belarruso, pero os profesors yeran obchecto de represalias por parte d'os partisans.

Dimpués d'a segunda guerra mundial cada vegada i heba menos escuelas que fesen servir o belarruso. As autoridaz sovieticas ixemenaban a ideya que o belarruso yera dialecto rechional inferior y que a luenga d'alta cultura yera o ruso, muita chent deixó de charrar belarruso. Amés, charrar belarruso representaba o periglo d'estar acusau de nacionalista burgués. Manimenos dende os anyos setanta bel intelectual ha encomenzau a defender o belarruso y bi ha una nueva cheneración d'escritors.

O belarruso yera a sola luenga oficial d'a Belarus d'os primers anyos d'independencia, encara que i heba presions pa fer d'o ruso una segunda luenga oficial. O dictador postsovietico de Belarrusia yera pro-ruso y yera en contra d'o belarruso.

O belarruso s'escribe en alfabeto cirilico con dos normas, una anterior a 1933 (entre os emigraus y entre bel choven de Belarrusia) y posterior a 1933. Tamién existe un sistema alfabetico con caracters latinos, y os tartaros de Belarrusia fan servir a grafía arabe.

Relichión

Os belarrusos gosan estar cristianos ortodoxos, y a ilesia ortodoxa de Belarrusia ye administrada por o patriarcau de Moscú. Bi ha una ilesia ortodoxa autocefala en a diaspora.

Os belarrusos ortodoxos yeran clasificaus como rusos y os belarrusos catolicos como polacos. A hierarquía catolica polaca administra a Ilesia Catolica de Belarrusia y no li fa goyo de considerar que i haiga belarrusos catolicos, manimenos os habitants de Belarrusia que alegan estar polacos son unos 300.000 mientres que os catolicos plegan a los 2.000.000.

Cualques belarrusos han encomenzau a recuperar a Ilesia Greco-Catolica u Uniata dende fa pocos anyos. En o decenio de 1990 encara no bi ha una traducción completa y consensuada d'a Biblia en belarruso.

Bi ha comunidaz de viellos creyents en bella zona de Belarrusia, a mes grant en Vyetka, cerca de Homyel, en 1913 yeran 98.000 individuos, y muitos d'ellos se consideran de nacionalidat belarrusa.

Bi ha supervivencias de celebracions y costumbres paganas d'o politeísmo eslau en o medio rural: como o kupally u solsticio de verano y Dzyady, cerimonia ritual con platos especials en recuerdo d'os antipasaus, o día d'os difuntos.

Historia

O estau de Kiev esclata en o sieglo XII en unos cuantos principaus sozmesos por os mongols en 1239. Os sobirans lituanos consiguen refusar a los mongols y liberar a los eslaus orientals de Belarrusia d'o poder mongol. Os principes eslaus orientals prefieren estar en a subchección d'os lituanos que en a d'os mongols, y os eslaus orientals s'asocian con o pueblo lituano primero, y tamién con o pueblo polaco dende 1386 formando a Unión Polaco-Lituana.

Os rutens en a Unión polaco-lituana

A unión Polaco-Lituana estió en luita contra os teutons (vencius en 1410), os tartaros u os turcos. Os eslaus orientals que quedan dentro d'a Unión Polaco-Lituana son denominaus rutens y son os antipasaus d'os actuals belarrusos y ucraineses. Os rutens charran una luenga encara cerca d'o protoeslau y que ye oficial en o Ducau de Lituania dica 1696. Dende o sieglo XVI una parte d'a nobleza rutena prene a luenga polaca y se converte a lo catolicismo u a lo calvinismo.

Os belarrusos actuals representan os rutens que yeran mes en contacto con os lituanos y os ucraineses os rutens que yeran mes en contacto con os polacos, sobretot cuan poco antes d'a Unión de Lublin (1569) os rutens d'o sud pasoron a depender de Polonia, quedando os rutens d'o norte en Lituania dentro d'a Republica d'as Dos Nacions. Os rutens de Smolensk quedoron pronto baixo a sobiranía de l'Imperio Ruso y son consideraus por beluns como belarrusos.

En 1596 se celebra o Sinodo de Brest en o que una asamblea de rutens fidels y clerigos d'a relichión ortodoxa restablix a comunión con Roma conservando o rito bizantín, con o que naixe a Ilesia Uniata, que no conseguirá aplegar a toz os rutens, pus muitos preferirán seguir estando en a subchección d'un metropolitano de Kiev independient de Roma.

Os repartos de Polonia

En os repartos d'a Republica d'as Dos Nacions, os territorios habitaus por rutens d'o norte se converten en part de l'Imperio Ruso principalment en tres etapas:

• En 1772 Polotsk, Vitebsk, Moguilev y Gomel.
• En 1793 Minsk, Bobruisk y Pinsk.
• En 1795 Grodno, Novogrudok y Brest-Litovsk.

En l'Imperio Ruso os territorios belarrusos son denominaus Rusia Occidental, y a Ilesia Greco-Catolica queda ligada autoritariament y por a fuerza a la Ilesia ortodoxa en 1839.

Os etnografos por ixe tiempo investigaban as tradicions d'os belarrusos.

Belarrusia como entredito entre Lituania, Polonia y a URSS

Ta más detalles, veyer l'articlo Guerra polaco-sovieticaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Cuan dimpués d'a Revolución d'Octubre as potencias centrals ocupan amplos territorios en o frent oriental, negocian con o nuevo gubierno ucrainés y reconoixen un Estau lituano a lo que conceden Grodno, Bialystok y Brest-Litovsk. Manimenos o 25 de marzo de 1918 se problamó a republica nacional de Belarrusia sin garra eco. Os polacos dende 1919 preboron de recuperar as mugas de 1772, extendendo a sobiranía polaca por os países rutens que enantes yeran d'a Unión Polaco-Lituana u d'a Republica d'as Dos Nacions. L'exercito polaco topetó cn l'Exercito Royo y lo fació reblar, encomenzando a guerra polaco-sovietica. A guerra polaco-sovietica conduce en 1920 a que o territorio d'os Belarrusos quede dividiu en dos entre Polonia y a URSS por una muga a l'este de Minsk, ratificada por o tractau de Riga o 18 de marzo de 1921. Os belarrusos serán a mayor part d'a población d'as rechions de Volinia y Vilna en a Polonia independient.

Periodo d'entreguerras

O renaiximiento cultural belarruso se produce en o decenio de 1920 en o costau sovietico d'a muga. A Republica Socialista Sovietica de Belarrusia, fundada o 1 de chinero de 1919 arredol de Minsk y Bobruisk será una republica constitutiba d'a URSS o 30 d'aviento de 1922 con Rusia, Ucraína y Trascaucasia. Entre 1924 y 1926 s'exampla con Polotsk, Vitevsk, Moguilov y Gomel. Queda una muga fixada entre Rusia y Belarrusia corresponde a la muga entre Rusia y Polonia antes de 1772. A luenga belarrusa encomienza a estar normalizada y s'esviella socialment. Se prene como modelo una d'as parlas locals tradicionals pa convertir-se en luenga oficial y muitos belarrusos la han d'aprender en a escuela. Por un tiempo se fa oficial a luenga belarrusa y se creya una elite intelectual belarrusa, pero o Stalinismo reprimirá estas expresions y diezmará a clase intelectual.

Belarrusia dende 1939 dica 1991

O Pacto chermano-sovietico de 1939 permite a los sovieticos ocupar a metat occidental de Belarrusia, baixo poder polaco y que l'anterior Polonia quede dividida entre o III Reich y a URSS. Belarrusia se reunifica,con o paso d'as rechions de Vilna y Volinia t'a RSS de Belarrusia. L'exercito royo fa limpiezas etnicas de población polaca y muitos polacos son deportaus ta Cazaquistán. En 1941 os alemans atacan a la Unión Sovietica y ocupan Belarrusia. S'organiza una resistencia partisana que se mantién dica a contraofensiva sovietica de 1944. En as selvas bi ha una resistencia de partisans que son hostils a la ideya d'una identidat belarrusa, y matan a los mayestros que amuestran a luenga belarrusa. Os Einsatzgruppen eliminan a población chodiga en a retraguarda d'as linias alemanas. En 1944 l'exercito royo recupera Belarrusia.

En 1945 se creya una nueva muga con Polonia basada en a linia Curzon, considerada dende 1919 como muga etnica, encara que no lo veigan asinas os polacos. A Belarrusia d'a postguerra teneba un ministerio d'Afers Esteriors teoricament diferent d'a URSS, y Belarrusia fa part o mesmo que Ucraína d'os fundadors d'a ONU, pero o país dependeba en realidat d'a URSS de tot. A presión politica y cultural rusa ye muito fuerte, y por eixemplo a mitat d'o decenio de 1980 no i heba garra escuela en Minsk que amostrase belarruso. En zaguerías d'este decenio amanixió o Frent Popular Belarruso. Belarrusia estió o país mes perchudicau por o desastre nucleyar de Chernobil de 1986.

Belarrusia independient

A independencia de Belarrusia ye mes resultau d'as circustancias que d'a voluntat nacional d'un pueblo que deseye a independencia. Lo que quereban mes os belarrusos yera una renovación politica d'a unión de republicas, un cambio politico con fin d'a hechemonía politica d'o Partiu Comunista, unas eleccions libres y reparacions por o desastre de Chernobil. A independencia de Belarrusia plega por as circustancias, cuan diferents republicas socialistas sovieticas van declarando a independencia y se descompone a URSS.

O golpe militar d'agosto de 1991 en Rusia significó a fin d'a URSS, y o 8 d'aviento de 1991 os presidents de Rusia, Belarrusia y Ucraína (as republicas eslavas), firmoron a fin d'a URSS y a formación d'a CEI (Comunidat d'Estaus Independients). Dende ixe inte Belarrusia ha teniu buenas relacions con Rusia.

En setiembre de 1991 a republica prenió o nombre de Belarus en cuenta de Belorosija. Staniskav Chchkevitch se convertió en chefe d'Estau de facto, pero fue destituito y reemplazau en chinero de 1994 por Mietchislav Grib.

Bibliografía

• (es) André Sellier, Jean Sellier: Atlas de los pueblos de Europa Central. Acento editorial.
• (es) Felipe Fernández-Armesto: Los hijos de Zeus. Pueblos, etnias y culturas de Europa. 1996 Grijalbo.

• Datos: Q483569
• Multimedia: Belarusians / Q483569