Republica Socialista Sovietica de Belarrusia

De Biquipedia
Ir ta: navego, busca
RSS de Belarrusia
Беларуская Савецкая
Сацыялістычная Рэспубліка
Republica Socialista d'a Unión Sovietica
Flag of Byelorussian SSR.svg Escudo de  RSS de Belarrusia
Bandera Escudo
Himno: Himno d'a RSS de Belarrusia
SovietUnionBelarus.png
RSS de Belarrusia en a Unión Sovietica
Capital Minsk
Idioma oficial Belarruso y ruso. O Ruso favoreixito por a lechislación.
Entidat
 • Estato
Republica Socialista
Flag of the Soviet Union.svg Unión Sovietica
Superficie
 • Total

207.600 km²
Población
 • Total

10.151.806 hab. (1989)
Zona horaria UTC +3
Moneda Rublo
President en l'inte d'a independencia Stanislav Shushkevich
Independencia d'a Unión Sovietica 25 d'agosto de 1991
Tiempo en a URSS Dende l'1 de chinero de 1919 dica o 25 d'agosto de 1991.

A Republica Socialista Sovietica de Belarrusia (Беларуская Савецкая Сацыялістычная Рэспубліка) estió un d'os miembros establidors d'a Unión de Republicas Socialistas Sovieticas en 1922, chunto a la RSS de Ucraína, a la RSSF Transcaucasica y a la RSSF de Rusia. Tamién yera conoixida con o nombre de Rusia Blanca.

A capital d'a Republica yera Minsk. A RSS de Belarrusia fue creyata l'1 de chinero de 1919.

Historia[editar | editar código]

Parti d'o Imperio Ruso antis d'a I Guerra Mundial, Belarrusia declaró a suya independencia o 25 de marzo de 1918, formando a Republica Nacional de Belarrusia. A republica tenió, de todas trazas, una curta vida, y o rechimen estió xerbigato dimpués d'a retirada alemana. En 1919 Belarrusia esdevinió a "Republica Socialista Sovietica de Belarrusia", y dentró en a Republica Socialista Sovietica de Belarrusia y Lituania. Dimpués d'a Guerra Polaco-Sovietica rematata en 1921, as tierras de Belarrusia quedoron dividitas entre Polonia y a RSS de Belarrusia, que estió miembro establidor d'a URSS en 1922.

En setiembre de 1939, dimpués d'a invasión de Polonia por o Tercer Reich en a Segunda Guerra Mundial, a Unión Sovietica s'anexionó a Belarrusia polaca (rechions de Volinia y Vilna) como resultato d'o Pacto Molotov-Ribbentrop.

Dimpués d'a II Guerra Mundial, a RSS de Belarrusia teneba voz en a Asambleya Cheneral d'a ONU chunto a la Unión Sovietica y a la RSS de Ucraína, esdevenindo un d'os miembros establidors d'a ONU.

Dimpués d'o golpe d'estato d'agosto de 1991 en a URSS, o Soviet Supremo de Belarrusia declaró a independencia d'a URSS o 25 d'agosto de 1991. A republica cambeó o nombre por o de Republica de Belarrusia o 19 de setiembre de 1991. O 8 d'aviento de 1991 sinyó, chunto a Rusia y Ucraína, os Alcuerdos de Belavezha, que remplazoron a la URSS por a Comunidat d'Estatos Independients (CEI).

División administrativa[editar | editar código]

A RSS de Belarrusia yera dividita en 6 oblast (u provincias) (datos d'o 1 de chinero de 1970, fuent: Gran Enciclopedia Sovietica).

Nombre Superficie
(miles
de km²)
Población
(miles
d'ab.)
Capital
Oblast de Brest 32,3 Brest
Oblast de Vitevsk 40,1 Vitevsk
Oblast de Gómel 40,4 Gomel
Oblast de Grodno 25,0 Grodno
Oblast de Minsk 40,8 Minsk
Oblast de Mogilev 29,0 Mogilev


Republicas d'a Unión Sovietica
Coat of arms of the Soviet Union.svg RSS d'Armenia | RSS d'Azerbaichán | RSS de Belarrusia | RSS de Cheorchia | RSS d'Estonia | RSS de Letonia | RSS de Lituania | RSS de Moldavia | RSS de Cazaquistán | RSS de Kirguisistán | RSSF de Rusia | RSS de Tachiquistán | RSS de Turkmenistán | RSS d'Ucraína | RSS d'Usbekistán

Republicas Sovieticas de curta vida: RSS Carelo-Finesa (1940-1956) | RSSF Transcaucasica (1922-1936)