Bandaliés

	Bandaliés
	Lugar d'Aragón
Entidat; • País; • Provincia; • Comarca; • Municipio	Lugar; Aragón; Uesca; Plana de Uesca; Loporzano
Partiu chudicial	Uesca
Población; • Total	; 48 hab. (2010)
Altaria; • Meyana	; 502 m.
Distancia; • 9 km	; enta Uesca
Codigo postal	22192
Patrons	Natividat de Santa María
Parroquial; • Diocesi; • Arcipestrau; • Parroquia	; Uesca; Semontano-Sobrarbe; Natividat de Ntra. Sra.
Coordenadas	42°09′50″N 0°17′52″U
	Bandaliés Bandaliés en Aragón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Bandaliés ye un lugar aragonés d'o concello municipal de Loporzano, situato en a provincia de Uesca y comarca d'a Plana de Uesca.

A suya población ye de 48 habitants (2010).

En o lugar se troba, dende 1982, o Museu de Ceramica de Bandaliés.

Cheografía

O lugar de Bandaliés se troba situato a 502 metros d'altaria sobre o ran d'a mar, a una distancia de 9 km d'a ciudat de Uesca, a capital d'a suya provincia.

Etimolochía

Seguntes Manuel Benito Moliner, o nombre d'o lugar deriva d'o nombre d'o propietario d'un antigo fundus en o lugar, que yera dito Vandalus (relacionando-se iste antroponimo con o pueblo d'os vandalos).^[1]

Historia

Seguntes Agustín Ubieto Arteta, a primera cita d'o lugar ye de 1094 u 1096, recullita en a obra de su chermano Antonio Ubieto Arteta Colección diplomática de Pedro I de Aragón y Navarra (Zaragoza, 1951), y documenta as variants Bandalies, Bandales, Bandaliesse, Vandaless y Vandalies.^[2]

En 1391, o monesterio de Mont Aragón mercó o lugar de Bandaliés, chunto con atros 23 lugars, pagando 1.000 florins a Chuan I d'Aragón.^[3]

En o sieglo XV perteneixeba a lo Monesterio de Casbas.^[4]

Cultura

L'alfarería de Bandaliés

Bandaliés ye prou conoixito por a suya alfarería, plegando o conte d'Aranda a portar alfarers de Bandaliés enta l'Alcora, en o País Valenciano, ta que amostrasen a los Valencianos cómo fer as soperas tal como se feban en Bandaliés.^[3]

Tamién Bandaliés, chunto con Benabarri, estioron os solos lugars de l'Alto Aragón a on se fabricoron feguras t'as portals de Belén, encara que no se conoix denguna que haiga plegato dica hue; sí se conoixen os suyos moldes.^[3]

Cuantas familias d'a localidat (os Albero, Ballarín, Barfalluy, Berdiel, Cajal y Laguarta) mercaban as produccions d'os obradors d'o lugar ta dimpués vender-las en as suyas rotas comercials a traviés de tot Aragón, dende Berdún u Chaca en a Chacetania dica Casp en o Baixo Aragón.^[3]

Demografía

Evolución demografica

1362 f	1495 f	1842	1857	1860	1877	1887	1897	1900
-	-	192	262	259	244	257	242	256

1910	1920	1930	1940	1950	1960	1970	1981	1991
258	251	216	119	114	105	41	-	-

1992	1994	1996	1997	1998	1999	2000	2001	2002
-	-	-	-	-	-	37	37	38

2003	2004	2005	2006	2007	2008	2009	2010	2011
40	40	41	42	46	50	48	48	-

2012	2013	2014	2015	2016	2017	2018	2019	2020
-	-	-	-	-	-	-	-	-

2021	2022	2023	2024	2025	2026	2027	2028	-
-	-	-	-	-	-	-	-	-

1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Molimentos

Ilesia d'a Natividat de Nuestra Sinyora de Bandaliés, una ilesia d'o sieglo XVIII.

Vinclos externos

(es) Cerámica Abió, talle artesano de ceramica de Bandaliés.

Referencias

↑ (es) Manuel Benito Moliner: Pueblos del Alto Aragón: el origen de sus nombres.
↑ (es) Ubieto Arteta, Agustín: Toponimia aragonesa medieval, Valencia, 1972, pachina 51.
↑ ^3,0 ^3,1 ^3,2 ^3,3 (es) Bizén d'o Río Martínez: La cerámica de Bandaliés, en Argensola: Revista de Ciencias Sociales del Instituto de Estudios Altoaragoneses.
↑ (es) Fernando Arroyo Ilera División señorial de Aragón en el siglo XV (PDF) en Saitabi: revista de la Facultat de Geografia i Història, ISSN 0210-9980, Nº. 24, 1974, pp. 65-102

Lugars d'o municipio de Loporzano
Poblaus: Aguas \| Almunia d'o Romeral \| Ayera \| Bandaliés \| Barluenga \| Castilsabás \| Chibluco \| Coscullano \| Lacertals \| Loporzano \| Os Molinos \| Sant Chulián de Banzo \| Santolaria \| Sasa de l'Abadiato \| Sipán Despoblaus: Sagariello \| Vadiello

Datos: Q8241463

[1] (es) Manuel Benito Moliner: Pueblos del Alto Aragón: el origen de sus nombres.

[2] (es) Ubieto Arteta, Agustín: Toponimia aragonesa medieval, Valencia, 1972, pachina 51.

[Bizénd'oRío-3] 3,0 ^3,1 ^3,2 ^3,3 (es) Bizén d'o Río Martínez: La cerámica de Bandaliés, en Argensola: Revista de Ciencias Sociales del Instituto de Estudios Altoaragoneses.

[4] (es) Fernando Arroyo Ilera División señorial de Aragón en el siglo XV (PDF) en Saitabi: revista de la Facultat de Geografia i Història, ISSN 0210-9980, Nº. 24, 1974, pp. 65-102

[1]

[2]

[3]

[4]

Bandaliés
Lugar d'Aragón
Entidat • País • Provincia • Comarca • Municipio	Lugar Aragón Uesca Plana de Uesca Loporzano
Partiu chudicial	Uesca
Población • Total	48 hab. (2010)
Altaria • Meyana	502 m.
Distancia • 9 km	enta Uesca
Codigo postal	22192
Patrons	Natividat de Santa María
Parroquial • Diocesi • Arcipestrau • Parroquia	Uesca Semontano-Sobrarbe Natividat de Ntra. Sra.
Coordenadas	42°09′50″N 0°17′52″U
Bandaliés Bandaliés en Aragón