Aratinga nenday

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Aratinga nenday
Un papagai nandai (Aratinga nenday).
Denominacions populars
papagai nandai [1], papagai nyandai [2]
Estau de conservación

Seguro (IUCN)
Clasificación cientifica
Animalia
Chordata
Aves
Psittaciformes
Psittacidae
Aratinga
A. nenday
Descripción
Aratinga nenday
Vieillot, 1823
Distribución cheografica
Distribución d'o papagai nandai.

O papagai nandai (Aratinga nenday (Vieillot, 1823)[3]) ye una especie d'au d'a orden d'os Psittaciformes y familia Psittacidae que mide entre 27 y 30 cm de luengo, pesa 140 g y ye sobretot de color verda. A suya caracteristica mas distintiva ye a suya mascareta facial y pico negros.

A especie ye orichinaria d'America d'o Sud dende lo sudeste de Bolivia dica lo sudueste de Brasil, o centro de Paraguai y lo norte d'Archentina, dende a rechión conoixida como Pantanal. S'han liberau aus engarcholadas en cualques arias, y as aus han establiu poblacions autosuficients en Los Ángeles (California), San Antonio (Texas) y cuantas arias de Florida.

L'au s'alimenta de simients, fruitas, nueces de palma, lulos, flors y capullos.

Lo papagai nandai a vegadas se mantiene como un papagai de companyía. Ye una au rudiosa y enerchica que requiere muita estimulación mental y social, asinas como un tiempo significativo difuera d'a suya gabia pa prosperar. Puede que no sía una mascota adecuada pa ninos chicoz a resultas d'o suyo potent pico. Cuan se mantiene en cativerio, puede aprender a charrar y tamién ye capable d'aprender trapacerías. A esperanza de vida mas larga verificada pa ista especie ye de 18,7 anyos; manimenos, tamién i ha informes de papagais nandai que viven mientres 30,2 anyos en cativerio.[4]

Referencias[editar | modificar o codigo]

  1. (an) Consello asesor de l’aragonés: “Informe lumero 13: Segundo enample d’a lista patrón d’as aus en aragonés (2011)”, Luenga & fablas, 15-16 (2011-2012), pp. 157-158, I.S.S.N.: 1137-8328
  2. (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
  3. (en) Handbook of the Birds of the World Vol 4, Josep del Hoyo editor, ISBN 84-87334-22-9
  4. (en) https://genomics.senescence.info/species/entry.php?species=Nandayus_nenday

Vinclos externos[editar | modificar o codigo]

Plantilla:Chenero Aratinga