Ir al contenido

Especie en periglo d'extinción

De Biquipedia
(Reendrezau dende Periglo d'extinción)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
O cerval iberico ye una especie en periglo critico de desapareixer.

Una especie se considera en periglo d'extinción, sía vechetal u animal, cuan se troba compromesa a suya existencia globalment. Isto se puet deber tanto a la depredación dreita sobre a especie como a la desaparición d'un recurso d'o cual ista pende, tanto por l'acción de l'ombre, debito a cambios en l'habitat, producto de feitos fortuitos (como desastres naturals) u por cambios graduals d'o clima.

En a versión 2009 d'a Lista Roya d'a UICN 2.448 taxons de animals[1] e 2.280 de plantas[2] se troban baixo a categoría "En Periglo", chunto con atros 1.665 taxons d'animals[1] e 1.575 de plantas[2] que tamién lo fan pero baixo a categoría de "En Peligro Critico".

Muitas nacions tiene leis ta protecher a las especies que penden d'a suya conservación ta existir, por eixemplo con a prohibición d'a suya cazata. Manimenos, pocas especies obtienen una protección legal considerable, estinguindo-se muitas sin dengún tipo de reconoiximiento publico.

A extinción d'una especie ye irreparable y, de momento, irreversible, afectando de traza dreita u indreita a la cadena alimentaria y, incluso, a lo propio ser humán.

Especies en periglo d'extinción en Aragón[editar | modificar o codigo]

En Aragón bi ha especies endemicas de plantas con una distribución tan localizata que podrían estar en periglo de desapareixer. Entre as especies de mamifers en periglo d'extinción tenemos o Galemys pyrenaica y entre os anfibios a rana pirenenca (Rana pyrenaica).

Especies extinguitas en Aragón[editar | modificar o codigo]

Bi ha especies en periglo d'extinción que ya no fan parte d'a fauna aragonesa pero que pueden trobar-se en atros puestos. Ye o caso de l'alica imperial que viviba en o Sistema Iberico, d'o cerval iberico u d'a foca monche que viviba en o Baixo Ebro dica Casp.

Referencias[editar | modificar o codigo]

Vinclos externos[editar | modificar o codigo]