Agnés de Piteus
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Agnés de Piteus | |
|---|---|
| Reina consort d'Aragón | |
| 1135 - 1159 | |
| Predecesor | Urraca de Castiella |
| Succesor | Remón Berenguer IV |
| Naixencia | 1103 |
| Muerte | 1159 Abadía de Fontevraud, Anchú |
| Conchuche/s | Aimeric V de Thouars Remiro II d'Aragón |
| Descendencia | Guillén I de Thouars Godofredo IV de Thouars Gui de Thouars Alberto de Thouars Peironela d'Aragón |
| Dinastía | Ramnulfidas |
| Pai | Guillén IX de Piteus |
| Mai | Felipa de Tolosa |
Agnés de Piteus (†1159 en l'abadía de Fontevraud, Anchú) estió una princesa d'Aquitania, d'a familia d'os ramnulfidas (descendients de Ramnulfo I, conte de Piteus) y reina consort d'Aragón por o suyo matrimonio con Remiro II o Monche dica a suya muerte en 1159.
Antecedents familiars[editar | modificar o codigo]
Agnés de Piteus nació en calendata desconoixita, filla de Guillén IX de Piteus, duque d'Aquitania, y de Felipa de Tolosa, d'a familia d'os contes de Tolosa.
O suyo matrimonio con Aimeric V de Thouars[editar | modificar o codigo]
Casó con Aimeric V, bizconte de Thouars l'11 d'abril de 1106, y tenioron cuatre fillos. En 1127 morió Aimeric y Agnés quedó viuda.
O suyo matrimonio con Remiro II d'Aragón[editar | modificar o codigo]
O 13 de noviembre de 1135 Agnés casó en a Seu de Sant Per de Chaca con Remiro II o Monche, rei d'Aragón. Ye fácil que Remiro casase con Agnés porque ista ya teneba fillos, ta asegurar a succesión por a difícil situación d'o Reino d'Aragón dimpués d'a muerte d'Alifonso I en 1134 y o suyo testamento, que legaba o reino a las Ordens Militars.
O 29 de chunio de 1136 nació a heredera d'o reino d'Aragón, Peironela, que fue promesa con nomás 1 anyada d'edat a Remón Berenguer IV, conte de Barcelona. Remiro II cedió a o suyo fillo politico a potestas sobre o reino d'Aragón (encara que mantenió a dignidat reyal) y tornó a la vida relichiosa. Agnés de Piteus, cumplito l'obchectivo d'o matrimonio con a naixencia de Peronella, tornó ta o ducau d'Aquitania, a l'abadia de Fontevraud, en Anchú, a on i morió en 1159.
Fillos[editar | modificar o codigo]
D'o suyo primer matrimonio con Aimeric V de Thouars, Agnés de Piteus tenió 4 fillos:
- Guillén (1120-1151), vizconte de Thouars.
- Godofredo IV de Thouars (1125-1173), vizconte de Thouars.
- Gui de Thouars, casato con Chuana de Beauffort.
- Alberto de Thouars.
D'o suyo segundo matrimonio con Remiro II d'Aragón, Agnès de Piteus tenió nomás 1 filla:
Vinclos externos[editar | modificar o codigo]
| Predecesora: Urraca de Castiella |
Reina consort d'Aragón 1135 - 1159 |
Succesor: Remón Berenguer IV |