Au rapinyadera
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Rapinyaderas | ||||||||
 Un alica d'a especie Aquila chrysaetos. | ||||||||
| ||||||||
As aus rapinyaderas u aus rapaces, tamién ditas «aus de presa», son aus depredaderas que cazan emplegando as garras que tienen bien poderosas y rematadas con unglas ganchudas, y o pico ta descarnar as presas. Por un regular, gosan tener o pico curvau caracteristicament, y a suya vista ye una d'as millors en o reino animal.
As rapinyaderas diurnas perteneixen a dos órdens, con diferents familias adintro:
- Orden Accipitriformes:
- Pandionidae (Alicas pescataires).
- Accipitridae (Alicas, esparverez, esparveros, alforochos, ciquilins y vultres d'Eurasia).
- Sagittariidae (o muixón secretario)
- Orden Falconiformes:
- Falconidae (Falcons propiament ditos).
A demés, as especies de rapinyaderas nocturnas s'aglutinan en una sola orden, as Strigiformes.
Bi ha mutas especies d'aus carnivoras que comparten cuan per menos visualment cualques d'as caracteristicas d'as aus de rapinya, pero no el son de tot autenticas. Istes casos bi han gosato plegar en ixa semilaridat per un fenomeno de converchencia evolutiva.
Nombres populars
- Alicas, aligas u águilas: son muixons de grans dimensions, con patas fuertes y unas alas robustas. Bellas especies tienen a demés plomache encara en as patas, y cuasi totas construyen niedos grans en alto en os árbols.
- Alforochos u, localment, abadellos: son muixons de dimensions mes chiquetas que no las alicas, d'estructura grácil y levera que, con as suyas alas luengas y finetas, s'están a mes gran parte d'o tiempo planando en l'aire d'a on que enveyen as suyas presas.
- Falcons: son muixons d'entre chicoz y meyanos, que tienen as alas caracteristicament rematadas en punta. Per a suya filiación evolutiva, constituyen ellos solos una orden diferent d'as altras rapinyaderas. No gosan fer os suyos niedos propios, mas que en aprofeitan éls uns albandonatos d'otri u bellas vegadas, fican os uevos en cillos u foratos d'os troncos.
- Bubons, craberos, mochuelos y babiecas: Muixons cazadors nocturnos, de midas muit variaderas. En volar no fan mica de son y tienen una oída y vista excepcionals.
- Azors y esparveretz: Muixons de mida meyana, os primers mes grandizos que no os segundos, que gosan ser cazataires d'arias forestals espesas, especializatos en maniobrar per entre d'a vechetación en o volido. Cuasi totas as especies perteneixen en o chenero Accipiter.
- Esparveros: Muixons de mida meyana, bella mica mes chicolons que no os azors anque mes grans que os esparverez, son mes robustos d'estructura corporal y con as alas mes amplas, que éls fan peyors maniobradors en volando, razón per a cual gosan cazar en campo obierto. Totas as especies se troban adintro d'o chenero Buteo.
- Vultres: Muixons muito mes grans que no as altras especies, minchadors de carnuzos en os puestos obiertos. Son grans planiadors que aprofeitan os corrients d'aire mes calient ta recorrer grans distancias en escando a mincha Tienen per un regular a cabeza sien de plomas.
.jpg)
.JPG)
_in_Kawal_WS,_AP_W_IMG_1672.jpg)
_2.jpg)
