Buteo

*Buteo*
Alica d'os postes (Buteo buteo)
Denominacions populars
alicas d'os postes
Clasificación cientifica
Dominio:	Eukaryota
Reino:	Animalia
Filo:	Chordata
Clase:	Aves
Orden:	Accipitriformes
Familia:	Accipitridae
Chenero:	Buteo
Descripción
Buteo Linnaeus, 1758

As alicas d'os postes^[1]^{[nota 1]} (nombre cientifico Buteo) son un chenero d'aus rapinyeras adintro d'a familia d'as accipitridas. Son de mida meyana y tienen o cuerpo mes robusto que altras especies semellants, con unas alas visiblement robustas.

Nombre popular

Tanto as especies d'iste chenero como atras que no i perteneixen reciben ocasionalment o nombre d'esparvero de boca de personas que no tienen guaire conoiximientos sobre as aus u las trafucan con facilidat d'entre ellas, y per ixo ye un fenomeno común que se les entivoque en o vocabulario popular. Cualques especies que a sobén se i confunden anque no son pas miembros son os azors (especie que tamién de diz erroniament "esparvero gran"^[2] y esparvero perdiguero^[2]) y Accipiter nisus (que recibe o nombre d'esparveret^[2] u esparvero chico^[2]), ocasionalment falcons (d'o chenero Falco; p. ex. Falco tinnunculus^[2]^[3]) y alforochos (d'o chenero Milvus^[2]). En cheneral, toz ixes casos admiten bella forma de destinción, meyante un adchectivo u bella forma apreciativa (terminación en -et).