Valencia hispanica

De Biquipedia
Ir ta: navego, busca
Zamaruco
Samarucs.png
Zamarucos
Estato de conservación
Status iucn3.1 EN.svg
En periglo
Clasificación scientifica
Dominio: Eukaryota
Reino: Animalia
Filo: Chordata
Clase: Actinopterygii
Orden: Cyprinodontiformes
Familia: Valenciidae
Chenero: Valencia
Especie: Valencia hispanica
Nomenclatura binominal
Valencia hispanica
Valenciennes, 1826

{{Taxobox_image | image =

O Zamaruco (Valencia hispanica) ye un peix que vive en os almarchals costers de l'este d'a Peninsula Iberica, estando un endemismo iberico.

Morfolochía[editar | editar código]

Quasi no plega a os 8 cm de largura. Tien unos dients mandibulars con nomás un cabo disposatos en bellas ringleras y una color entre marrón claro y amariello. Os masclos tienen os filos d'as aletas de color narancha.

Habitat[editar | editar código]

Se troba en almarchals y manantials con augua limpia.

Constumbres[editar | editar código]

Va en cardúmens y s'alimenta d'insectos y as suyas larvas.

Estato de conservación[editar | editar código]

Ha estato en serio periglo de desaparición, pero agora se ye recuperando. Por un tiempo se deciba que yera redueito a 3 enclaus, uno d'ellos l'Almarchal de Peniscola, que yera desapareixendo por una feroz especulación urbanistica. En atras arias d'a suya distribución ixa especulación lo heba feito desapareixer por a desecación d'os almarchals, contribuindo en menor medida a contaminación y a captura por os coleccionistas u aficionatos a los aquarios.

Zoonimia[editar | editar código]

En aragonés a parabra zamaruco se fa servir como faltata y tamién pa dicir "cullarón" u "peix parexito a lo cullarón", y de feito un parient introdueito d'o zamaruco, a Gambusia se diz asinas en a provincia de Uesca. D'a Gambusia, d'o fartet, d'o fundulo y d'atros peixes pareixitos en anglés se'n diz killies y se troban amplament distribuitos por rechions tropicals y subtropicals, en especial en America.

En catalán samaruc se diz en o Delta de l'Ebro y Castellón, arias d'influencia aragonesa, por lo que puet estar un aragonesismo no reconoxito como tal. De feito Peniscola estió en poder de caballers aragoneses y ye on huei ye a mayor población mundial de zamarucos.