Struthio camelus

De Biquipedia
Ir ta: navego, busca
Estrucio
Struthio camelus in Serengeti.jpg
Un estruzio en Serengeti
Estato de conservación
Status iucn3.1 LC.svg
Clasificación scientifica
Dominio: Eukaryota
Reino: Animalia
Filo: Chordata
Clase: Aves
Orden: Struthioniformes
Familia: Struthionidae
Chenero: ''Struthio''
Especie: ''S. camelus''
Nomenclatura binominal
Struthio camelus
Linnaeus, 1758
Struthio camelus Distribution.png
Distribución d'estrucios por o mundo

O estrucio (Struthio camelus) ye l'au vivient más gran. Puet fer dica 2,5 metros d'altaria, no puet volar y perteneix a la familia d'os estrutionidos.

Atros miembros d'o grupo son os nyandús, os emús, os casuarios y o paixaro más gran que nunca ha existiu, o Aepyornis, actualment extinguito. Os estrucios tienen o cuello y as garras muito largas y pueden correr dica 65 km/h.

Os estrucios se troban de traza natural, en as sabanas y semidesiertos d'Africa, igual en o norte como en o sud d'a zona tropical selvosa. A raza d'estrucio d'Orient Meyo (S. c. syriacus) ye extinguita.

As suyas plomas no li sirven ta volar, pero son muit populars como adornos ta os cabellos d'as mullers. Os estrucios son prou recios ta que un humán no guaire gran los pueda cabalgar y s'han feito servir en bells puestos d'o norte d'Africa y Arabia como animals de cursas.

Hue se crian ta carne en muitos países, mesmo en climas tan fríos como o de Finlandia. O gusto d'a carne d'estrucio se pareix a o d'o vetiello.

En a mitolochía popular, o estrucio ye famoso por amagar a cabeza adintro de l'arena malas que siente o primer sinyal de periglo. Manimenos, no s'han rechistrau observacions d'iste comportamiento, encara que se sabe que os muixons meten a cabeza y o cuello en tierra ta pareixer más poca cosa quan s'amana un predador. Quan se sienten menazaus os estrucios pueden plegar a ferir graument a os suyos atacants, con calces d'as suyas fortals garras.

Os estrucios anidan comunitariament. Bell numero de fembras ponen os suyos cocos adintro d'o mesmo niedo, an que son cobaus por a fembra dominant, d'entre día, y por o masclo d'entre nueit. Os uegos d'estrucio son os más grans d'entre totz os uegos.

Uego d'estrucio

Zoonimia[editar | editar código]

Encara que en Aragón nunca no bi ha habito estrucios, en aragonés bi ha habito zoonimos pa dicir a este animal. En o lexico comercial aragonés d'o sieglo XV trobamos escrito esturz, esturch y esturç en Zaragoza y esturç y esturço en Las Barracas de los Chaqueses, referitos a plumas d, ventals d, penatxos d y huevos d. O zoonimo con trazas de semicultismo u d'italianismo rematato en -ucio amaneix en o "Libro de Marco Polo" y en o "Libro del Trasoro".[1] O prencipio d'o capítol a el adedicau ye:

Strucio es hun grant auzel a marauella; e muytos dizen que el es bestia, por que el ha asi gran cuerpo que el no puet volar. El es asi pesant por complicion que ella lo fa asi olvjdoso asi malament, que a el no mjembra de cosa pasada.

Referencias[editar | editar código]

  1. Dawn E. Prince (ed.). The Aragonese version of Brunetto Latini's Libro del trasoro. Madison, 1995.

Vinclos externos[editar | editar código]

Commons-logo.svg
Se veigan as imáchens de Commons sobre estrucio.
Biquiespecies
Se veiga a información de Biquiespecies sobre Struthio camelus.