Protestantismo
 |
Ista pachina ha menester d'una revisión por un corrector ta amillorar a suya ortografía, a suya gramatica u o suyo vocabulario. |
O termin protestant ye utilizau ta referir-se tanto a os grupos que se deseparoron d'a Ilesia Catolica Romana con a Reforma Protestant d'o sieglo XVI, como a os desemboliques teolochicos particulars d'os reformadors y as ilesias resultants. O nombre "protestants" se prencipia a utilizar ent'os partidarios de las ideyas luteranas de la Reforma en Alemanya a resultas d'o suyo protesta y resistencia a os edictos imperials que intentaban buscar a uniformidat relichiosa de Alemanya. A doctrina protestant chira arredol de la ideya que solament a Biblia ye a sola autoridat en materia de fe t'a Ilesia y en a necesidat absoluta d'a gracia de Dios ta que l'hombre, por meyo d'a sola fe en Cristo y o Evanchelio, pueda estar salvau por Dios en un acto de conversión interior. Tamién esfiende as doctrinas de l'absoluta depravación de l'hombre y a suya necesidat total de Dios, a sola mediación de Cristo, a sacramentalidat sola d'o baptismo y cena d'o Sinyor (quan no son percibidos como simbolos), a concepción d'as obras buenas como fruto d'a fe. Se refusa l'autoridat d'o papau, as indulchencias, o purgatoriu, o sacrificio incruento d'a misa, a devoción a os santos, a intercesión d'os santos muertos, etc...
