Saxons
De Biquipedia
.jpg)
Os saxons son un antigo pueblo chermanico que costituyó una confederazión en as costas d'a Mar d'o Norte en tiempos d'os romans, tenioron un prozeso migratorio que los lebó ta o sur e ta a isla de Bretaña.
[editar] Saxons continentals en l'Alta Edat Meya
A fins d'o sieglo VIII os saxons de Chermania fuoron sozmesos por os francos de Carlomaño e lur territorio adibito a un ducato de Saxonia en o Imperio Carolinchio. Carlomaño efeutaba campañas añals en territorio saxón e lis imposó o batismo y a cristianizazión forzata dende 772 dica 804. Por ixa razón establió a suya residenzia en Aquisgrán, á man d'os campos de batalla en Alemaña. Toz os mainates saxons se combirtioron fueras de Widukin que tardó més e dirichió a resistenzia antifranca.
A presión franca fazió que pueblos eslabos como os obroditas s'estendillasen por l'este d'o territorio saxón.
Os antigos saxons se fusionoron con atras etnias chermanas orichinando parte d'o pueblo alemán autual en un prozeso lento.
Con a dibisión d'o Imperio Carolinchio en 843, Saxonia pasó a formar parte d'o Reino Franco Oriental, como un ducato ereditatio gobernato por una fuerte dinastía, os Liudolfing. Como a suya incorporación a lo imperio estió tardana, perdioron debant d'os francos en l'año 911 cuan se zelebró a primera elezión pa ocupar o tron chermanico. Manimentos, o reinato d'o duque franco Conrado estió tan mala que él mesmo proposó estar suzedito por un noble d'a casa de Saxonia, Enrique o paxarero, que esdebinió rei.
O territorio d'os saxons esdebinió a base d'o poder d'o reino, y Enrique continó costruindo o suyo imperio. Estió un melitar brillant e tornó a situar Lotarinchia baxo control d'o Reino Franco Oriental. D'a mesma traza luitó con esito cuentra os ongaros. O suyo fillo Otón I lis inflichió una derrota encara més grau en 955, por o que o papa lo recompensó nombrando-lo emperador d'o Sacre Imperio Romano-Chermanico.
[editar] Saxons en a Isla de Bretaña
Os saxons, anglos, chutos e atros pueblos chermanicos en menors proporzions embadioron a costa este d'a isla de Bretaña cuan ni os romans ni a poblazión local podeban esfender-sen d'atros embasors. Cuan ya yeran bien establitos empentoron a los britons enta l'ueste. Con o tiempo a fusión de anglos, saxons e chutos orichinó a los autuals angleses.
