Bayoarios

De Biquipedia
Ir ta: navego, busca
Bayoarios
Bajuwaren
  (†)
Bajuware (Brenek).jpg
Estatua d'un bayoario
Rechions con comunidatz importants
Flag of Austria.svg Austria
Flag of Bavaria (striped).svg Bavera
Flag of Tirol.svg Tirol
Idiomas
Bávaro
Pueblos relacionatos
Baverans, austriacos y tiroleses
Mapa
Bayern um 788.png
Os bayoarios enta l'anyo 788

Os bayoarios estioron un pueblo chermanico altomedieval d'Europa Central responsables d'a chermanización de l'aria nororiental, a on viven os actuals baverans, austriacos y tiroleses, que en part son os suyos descendients.

Etnonimo[editar | editar código]

O etnonimo d'este pueblo chermanico puet remontar-se a l'orichen cheografico en tierras d'os boyos celticos, en l'actual Bohemia.

Son mencionatos en a traducción herediana de "Historia Langobardorum" de Pavlo Diacono:

El rey Liutprando, como huviés regnado .XXXI. anyo et .VII. meses, ya antigo et maduro en edat murió. El su cuerpo fué ssotterado en la yglesia de sant Adrián martir, do fu ensoterrado su padre. Fué hombre de grant savieza, piadoso, iusto et amador de paz, poderoso en batalla, clement a los culpables, casto, de grant oración, almosnero franco et liberal, ynorant letras más nutridor de philósophos et conservador de leyes. Aquesti en el comencamiento del su regno tomó muchos castiellos de los Baioarios, más confiando en orationes et en armas et guardando et conservando todos tiempos con grant cura la paz de los Franceses et de los Ávaros.

Tamién figuran en a "Cronica de los Conquiridors" de Chuan Ferrández d'Heredia, o capítol CXC se titula Como Karles Martel guerreo los Baioarios et los Huncnos et subiugo los Francos y o capítol CXCV Como Karles subiugo a los Longobardos, los Saxones, los Bretones, los Bajoarios et otras muchas nationes.

Historia[editar | editar código]

Son conoixitos dende l'anyo 551. D'orichens poco claros, yera l'agrupación d'unas quantas tribus que travesoron o limes danubián y s'establioron en l'actual Bavera, dende a on s'estendilloron enta o sud a traviés d'os Alpes. Se beneficioron d'un vueito de población y poder román producto d'as invasions d'atros pueblos.[1] En tot o sieglo VI permaneixioron baixo protectorato merovinchio.

Os bayoarios convirioron restos d'a población romana. En Bavera y l'Alta Austria os documentos carolinchios parlan d'os romani, y a toponimia confirma a existencia d'islotz de población romana (que os chermans denominaban walchen), yeran poblacion rurals ixemenatas por a meseta, sobretot en a val d'o Inn y a lo norte y ueste de Salzburgo. Estos enclaus de población romana heban perdito tota coderencia y os romans heban perdito tota a eminencia social, de fueras d'o enclau d'Ausburgo, on bi heba un bispato, y de dos refuchios en os Alpes, o Walchengau de l'alto Isar y o Vintschgau de l'alto Adichio. Dica o sieglo IX en Bavera se charró o romanz autoctono, talment d'a branca reto-romanica.

Os bayoarios contribuyoron a la colonización chermanica enta o sureste p'aturar os pueblos invasors d'as estepas que periodicament s'establiban en Panonia. Se creyó una marca oriental que esdevinió Austria. A colonización bayoaria contribuyó a crebar a continuidat territorial d'os eslavos.

Referencias[editar | editar código]

  1. Lucien Musset Las invasiones: las oleadas germánicas, Volumen 20. Editorial Labor, 1967 [1]