Peyronela d'Aragón
De Biquipedia
|
||
| Informazión | ||
|---|---|---|
| Reina en | Aragón | |
| dende | 1157 | |
| dica | 1164 | |
| Prezedito por | Remiro II | |
| Suzedito por | Alifonso II | |
| Naximiento | 29 de chunio de 1136 | |
| Muerte | 15 d'otubre de 1173 | |
Peyronela u Payronella d'Aragón,[1] Peronella d'Aragón (catalán) u Petronila d'Aragón (Uesca, 29 de chunio de 1136 - † Barzelona, 15 d'otubre de 1173) estió reina d'Aragón entre 1157 y 1164 y contesa de Barzelona entre 1162 y 1164. Yera filla de Remiro II lo Moncho y Agnés de Piteus.
Naxió en Uesca lo diya 29 de chunio de 1136. Un año dimpués se siñan en Balbastro as capetulazion s matrimonials con o conte de Barzelona Remón Berenguer IV. Ramiro II dizió as condizions que estioron aceutadas por Remón Berenguer IV. D'ista traza s'estraliaban os poblemas de suzesión en o reino d'Aragón.
O casorio de doña Peyronela con Remón Berenguer IV estió treze años más tardi, en o mes d'agosto de 1150 en Leida, cuan a reina abió a edá t'acomodar-se seguntes o Dreito Canonico, 14 añadas.
En marzo de 1157 naxió en Uesca o primoxenito d'a parella, Remón Berenguer (qui reinará con o nombre d'Alifonso II en onor á Alifonso I), primer rei d'a Corona d'Aragón. O suyos atros fillos estioron: Sancho de Probenza, Pedro, Leonor, Remón Berenguer IV de Probenza y Dulzía d'Aragón (acomodata con Sancho I de Portugal).
Morió en Barzelona o 15 d'otubre de 1173.
[editar] Notas
- ↑ Ana Isabel Lapeña Paúl, «Apéndice III. Ramiro II en la Crónica de San Juan de la Peña», Ramiro II de Aragón: el rey monje (1134-1137), Gijón, Trea, 2008, pág. 298. ISBN 978-84-9704-392-2. Vid. Carmen Orcástegui Gros (ed. lit.), Crónica de San Juan de la Peña (Versión aragonesa),Cuadernos de Historia Jerónimo Zurita, 51-52, Zaragoza, Institución «Fernando el Católico», 1985, págs. 419-569. Cfr. p. 471, n. 84 «avía una filla avida de la reyna, nombrada Peyronela»; pp. 472-3, n. 89-90 «Et don Alfonso de Castilla mudó el nombre a dona Peyronela e fizolo clamar Urraca» u p. 490, n. 4.
[editar] Referenzias
- «Petronila»,Gran Enciclopedia Aragonesa.
| Predezesor: Remiro II |
Reina d'Aragón 1157 - 1164 |
Suzesor: Alifonso II |
