Melun

De Biquipedia
Ir ta: navego, busca
Melun
Melun
Localidat de Francia
Escudo d'armas
Casa d'a Villa de Melun
Casa d'a Villa de Melun.
Estato Flag of France.svg Francia
 • Rechión Isla de Francia
 • Departam. Sena y Marne
 • Districto Melun (capital)
 • Cantón Melun Norte y Melun Sud
Mancomunidat Comunidat d'aglomeración Melun Val de Seine
Alcalde Gérard Millet (UMP)  (2008-2014)
Superficie 8.04 km²
Población
 • Total
(2009)
39 400 hab.
hab./km²
Altaria
 • Maxima
 • Minima

102
37
Codigo INSEE
Codigo postal
77288
77000
Coordenatas 48°32’26’’N 2°39’36’’E
Localización de Melun en Francia
Melun
Situación en Francia

Melun (en francés Melun) ye una ciudat y comuna francesa, capital d'o departamento de Sena y Marne. Fa parte d'o districto de Melun (estando-ne tamién a suya capital) y d'os cantons de Melun Norte y Melun Sud, estando amás a capital de totz dos.

A suya población ye de 39.400 habitants (2009) en una superficie de 8,04 km², con una densidat de población de 4.900 hab/km². Ye a tercera ciudat d'o departamento por a suya zifra d'habitants, dezaga de Chelles y Meaux.

Historia[editar | editar código]

Labieno, lugartenient de Chulio César mientres a guerra d'as Galias y autor d'un informe citau en De Bello Gallico, situaba en as islas de Melun una aldeya gala. En epoca romana amaneixe con os nombres de Metlosedum u Melodunum. Ye situada en una crucillata de rotas terrestres y fluvials. En o sieglo VI ya se la conoixe por o suyo nombre actual. O transporte por sirga (barcas arrocegadas por bestias), mencionau ya en 1178, constituyó o prencipal meyo de transporte de personas y mercaderías dica dentrau o sieglo XIX. Por ista rota o trachecto dica París duraba dotze horas.

Os vikingos la espulloron en zaguerías d'o sieglo IX.

En 1420 fue asetiada por os angleses, qui la facioron reblar por medio d'a fambre. Aquí ganó a ciudat a suya divisa: Fida muris usque ad mures («Fidels en os muros dica as ratas»), ya que dica os radedors d'a ciudat habioron de minchar os defensors d'a plaza.

En o sieglo X os Capetos i construyoron un castiello -encetau por Roberto o Piadoso- que les feban servir ocasionalment como residencia dica o Renaiximiento. O suyo desmantelamiento s'encetó en 1696, ta servir a la restauración d'o puent sobre o Sena. Pasó a propiedat municipal en 1737, y o suyo esboldregamiento remató en 1833.

O priorato de Sant Salvador (en francés Saint-Saveur) s'establió a prencipios d'o sieglo XI. Mientres os sieglos XIV-XVI s'establioron cinco monesterios en a ciudat.

O papel de Melun en o suministro de farina a París se desembolicará dende a Edat Meya dica a Moderna, asinas como a suya función de seu administrativa. T'a fabricación de farinas s'emplegaban molins flotants, barcos de fondo plano adaptaus a o iste treballo. Atros molins, fixos y instalaus en las marguinas u en os puents, se dedicaban a lavadors, pero desapareixioron mica en mica (o zaguero en 1837). Os puents sobre a Sena en Melun han estau destruyius a ormino por as guerras. Asinas en 1814, 1871 y 1940 en fuoron por os franceses ta impedir l'abance enemigo, en 1944 por o exercito estatounitense ta retardar os movimientos d'as tropas alemanas. En 1830 cayoron por as chelatas. O puent Mariscal Leclerc se debantó en 1950, substituindo a os puents temporals que heban feito los estatounitenses en 1944 mientres a Segunda Guerra Mundial.

En 1847 i plegó o ferrocarril: una estación en a linia de París a Lyon y Marsiella; ye l'alazet d'a fin d'a sirga, que persistirá, encara que con una importancia decreixient, dica o primer tercio d'o sieglo XX. En 1910 s'instaloron industrias metalicas y farmaceuticas.

En 1860 a isla de Saint-Étienne tomó a suya forma actual, en unir-se a la chicota isla de Saint-Nicolas, situada a l'este.

En 1945 a Escuela Nacional d'a Chendarmería s'instaló en Melun.

Administración[editar | editar código]

Alcaldes[editar | editar código]

Lista d'alcaldes
Lechislatura Nombre Partito politico
19451947 Maxime Verdeaux
19471953 Gaston Tunc
19531955 Gaston Tunc
19551959 Maxime Galland
19591965 Jean Petit
19651971 Jean Petit
19711983 Marc Jacquet Union des Démocrates pour la République
19771983 Marc Jacquet Union des Démocrates pour la République
19831989 Jean Malpel Rassemblement pour la République
19891995 Jacques Marinelli Rassemblement pour la République
19952001 Jacques Marinelli Rassemblement pour la République
20012002 Jacques Marinelli Rassemblement pour la République
20022008 Gérard Millet Union pour un Mouvement Populaire
20082014 Gérard Millet Union pour un Mouvement Populaire

Demografía[editar | editar código]

Datos de población
1793 1800 1806 1821 1831 1836 1841 1846 1851
5.500 6.111 6.818 6.992 6.622 6.846 8.950 9.151 10.395
1856 1861 1866 1872 1876 1881 1886 1891 1896
- 9.151 11.408 11.130 11.241 12.145 12.564 12.792 13.641
1901 1906 1911 1921 1926 1931 1936 1946 1954
13.059 13.908 14.861 14.657 15.928 16.356 17.499 17.573 20.219
1962 1968 1975 1982 1990 1999 2006 2007 2008 2009
26.873 34.518 37.712 35.005 35.319 35.695 - - 38.938 -
Ta os censos dende 1962 dica 1999, a población legal corresponde a la población sin duplicidatz seguntes define l'INSEE.


Vinclos externos[editar | editar código]