Joaquín Costa Martínez

De Biquipedia
(Reendrezau dende Joaquín Costa)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Joaquín Costa Martínez
Joaquín Costa, de Victoriano Salasanz
Joaquín Costa, de Victoriano Salasanz
Información personal
Calendata de naixencia 14 de setiembre de 1846
Puesto de naixencia Bandera d'Aragón Monzón
Calendata de muerte 8 de febrero de 1911
Puesto de muerte Bandera d'Aragón Graus
Ocupación Politico, churista, economista y historiador

Joaquín Costa Martínez (Monzón, Cinca Meya, 14 de setiembre de 1846 - Graus, Ribagorza, 8 de febrero de 1911), politico, churista, economista y historiador aragonés.

L'anyo 1903 fue esleito deputato en o Congreso d'os Deputatos de Madrid, cargo que albandonó en 1905.

Biografía[editar | modificar o codigo]

Joaquín Costa Martínez naixió de Monzón, encara que a os seis anyos d'edat se treslladó con a suya familia a Graus por lo que tamién se le conoixe como O Lión de Graus. En a ciutat de Uesca cursó o bachillerato, obtenendo o títol de mayestro y d'agrimensor. Tamién estudeó arquitectura pero sin rematar a carrera. Obtenió una pensión d'o gubierno espanyol por asistir a la Exposición Internacional de París de 1867. En Madrid se licenció y doctoró en Dreito y en Filosofia y Letras. Escribe La vida del Derecho (1876) y ye profesor auxiliar en a Universidat Central, cargo que refusa en protesta por a política educativa d'a Restauración chunto a Francisco Giner de los Ríos y atros miembros d'a Institución Libre d'Amostranza. A ista institución laica d'amostranza, inspirata en a filosofía d'o Krausismo, se troba ligato alavez dirichindo o suyo Boletín (18801883), fendo clases y participando eficazment en o Congreso Pedagóchico Nacional de 1882.

Exerce como letrato en Cuenca y dimpués en Huesca (18771879); en ista zaguera estata en a suya provincia natal redacta Cuestiones celtíberas: religiones, Organización política, civil y religiosa de los celtíberos y Derecho consuetudinario del Alto Aragón.

Unatra vegada en Madrid como pasant, colabora en a Revista de España, en a Revista General de Legislación y Jurisprudencia y en a Reyal Academia de Churisprudencia y Lechislación, a on que presenta os suyos Estudios jurídicos y políticos y a suya Teoría del hecho jurídico individual y social. Mas entabant, en 1887, será profesor y ferá un Plan de una Historia del Derecho espanyol en la antigüedad. Fa parti d'o Congreso de Churisconsultos Aragoneses, en Zaragoza.

Os suyos humildes oríchens le endrezan a la politica; estudeya mas que mas as radices populars d'o dreito consuetudinario espanyol (Introducción a un tratado de política textualmente de los refraneros, romanceros y gestas de la Península, 1881) y o mundo rural fendo parti d'os Congresos d'Agricultors y Ganaderos (18801881). Fa parti también en numerosos mítins y conferencias africanistas y abolicionistas, planteyando a suya anvista de El comercio espanyol y la cuestión de África (1882). Diriche, a mas, o Congreso Espanyol de Cheografía Colonial y Mercantil (1883), cofunda a Sociedat de Africanistas y Colonistas que diriche as expedicions a l'Africa occidental y ecuatorial y fa parti d'a Revista de Geografía Colonial (18851887).

Por ixas envueltas accede a o cuerpo de notarios (Granada, Chaén) y aboga a escape por a reorganización d'o Notariato, d'o Rechistro d'a Propiedat y de l'Administración de Chusticia (1890). Dentra igualment en o Cuerpo Superior d'Advogatos d'o Estado.

Manimenos, una progresiva malautía d'atrofia muscular le fa instalar-se en o suyo quiesto y familiar Graus (Uesca), dende a on a tamas de tot organiza a la Liga de Contribuyents de Ribagorza que deriva en movimiento político de inclinacions socials. Asinas apareixen cuantas campanyas por tot l'Alto Aragón (dende 1892), con a fin de potenciar a producción agraria gracias a o regano y por meyo d'obras hidraulicas que ha de fer o Estato, en opinión de Costa.

Joaquín Costa, Grupo escolar Gascón y Marín, Zaragoza

Dimpués d'a suya tornada, a la fin (1893), a una plaza de notario en Madrid, tien agora una anvista muito mas politica y cientifico-social, parando a suya magna obra Colectivismo agrario (1898), en que fa una dura critica d'a destrucción por as desamortizacions y atras practicas d'ancestrals sistemas de propiedat comunal, que describe muit decumentadament, y galvaniza a la opinión publica a radiz d'o Desastre de 1898, en que Espanya pierde as suyas zagueras colonias debito a la guerra con Estaus Unius: Cuba, Puerto Rico y as islas Filipinas.

En o segundo tomo d'o Colectivismo Agrario en España (1898) presenta Costa lo que viene a estar una ampla historia economica d'os sistemas de propiedat y as suyas diversas modalidaz (dende os cotos a las faceras y tierras comunals), as formas de expleitación, etc., tornando dos siglos antis d'a nuestra era; tamién, con notable agudeza, tracta d'o control sobre l'augua y as suyas diferents formas de propiedat, d'as cofadrías pesqueras, etc.

Con os suyos mensaches a las Cambras Agrarias aragonesas consigue a creyación d'una Asamblea Nacional de Productors que s'alía con as Cámbras de Comercio que lidera Basilio Paraíso y a Liga Agraria formata por as clases propietarias castellanas dirichitas por Santiago Alba ta formar a Unión Nacional, nuevo partido político popular y muit critico con o sistema d'a Restauración canovista. Ista propuesta resulta masiau heterochenia y resta por un inte muitos militants a o republicanismo y encara que no se converte en partiu politico. Con tot y con ixo, Costa acata a Unión Nacional, integra as suyas fuerzas, acepta un cargo en o Directorio y redacta o mensache de queixa y protesta a o Congreso d'os Deputatos que se publicó en a prensa l'1 d'abril. Pero no funcionó o intento de fuerza de sacar manifestacions a la carrera: se viedó la de Madrid, y s'autosuspendioron a resta. Reunitos en a casa de Costa, en Madrid, Paraíso refirma accions directas espectaculars como una vaga de contribuyents, mientres Costa creye improbable un alto seguimiento d'ixa mida y mas seguro y fundo o treballo d'un partiu político, educador d'o pueblo. Bi ha diversas opinions sobre a estratechia a realizar entre Costa y Paraíso y a la fin Costa planteya (septiembre de 1900) a suya deseparación d'o Directorio d'a Unión Nacional. Os gremios madrilenyos se aleixan también de Paraíso, si bien a Unión encara celebra un mítin en Barcelona en abril de 1901. Paraíso y Alba s'aseguran os suyos escanyos de deputatos liberals mientres Costa, que suenia encara con un partiu d'intelectuals, chira enta a Unión Republicana. A Unión Nacional se desintegró por a tensión entre os intreses populars y os corporativos. Costa percibió que o poder, tal como yera confegurato, no fería nunca reformas recheneracionistas. En iste afer Costa se troba solenco de tot.

Afectato profundament por o fracaso d'a Unión Nacional, continó, atribuyendo responsabilidaz por a situación espanyola a la propia monarquía en Quiénes deben gobernar después de la catástrofe, Reconstitución y europeización de España y, mas que mas, a espectacular enquesta realizata dende l'Ateneu de Madrid con a colaboración de muitas grans feguras d'a cultura y a sociedat espanyolas (de Miguel de Unamuno a Emilia Pardo Bazán) ta redactar un d'os suyos títols clasicos: Oligarquía y Caciquismo como la forma actual de gobierno en España: urgencia y modo de cambiarla (1901),[1] a on que denuncia a corrupción d'o sistema político canovista d'a Restauración que supondrá a marchinación de Costa d'os centros politicos d'o sistema.

Obras editatas de Joaquín Costa[editar | modificar o codigo]

  • La tierra y la cuestión social (texto completo).
  • La vida del derecho: ensayo sobre el derecho consuetudinario, Analecta editorial, Pamplona, 2003.
  • Reforma de la fe pública, Analecta editorial, Pamplona, 2003.
  • Reorganización del notariado, del registro de la propiedad y de la administración de justicia, Analecta editorial, Pamplona, 2003.
  • Política hidraúlica, Analecta editorial, Pamplona, 2005.
  • Derecho consuetudinario y economía popular de España. Zaragoza: Editorial Guara, 1981.
  • La libertad civil y el Congreso de Jurisconsultos Aragoneses. Zaragoza: Editorial Guara, 1981.
  • La vida del derecho : ensayo sobre el derecho consuetudinario. Zaragoza: Editorial Guara, 1982.
  • Teoría del hecho jurídico individual y social. Zaragoza: Editorial Guara, 1984.
  • Reforma de la fe publica. Zaragoza: Editorial Guara, 1984.
  • Maestro, escuela y patria : (notas pedagógicas). Madrid: Biblioteca Costa, 1916.
  • Oligarquía y caciquismo como la forma actual de gobierno en España : Urgencia y modo de cambiarla. Madrid: Establecimiento Tipográfico de Fortanet, 1901.
  • Tutela de pueblos en la Historia. Madrid: Biblioteca Costa, [s. a.].
  • Historia, política social: patria. Madrid: Aguilar, 1961.
  • Oligarquía y caciquismo. Colectivismo agrario y otros escritos. Madrid: Alianza, 1967.
  • La fórmula de la agricultura espanyola. Madrid: Biblioteca Joaquín Costa, 1912.
  • La tierra y la cuestión social. Madrid: Biblioteca Costa, 1912.
  • Colectivismo agrario en España. Zaragoza: Editorial Guara, 1983.
  • Política hidráulica (misión social de los riegos en España). Madrid: Biblioteca J. Costa, 1911.
  • Reorganización del notariado, del Registro de la Propiedad y de la Administración de Justicia. Madrid: Biblioteca Joaquín Costa, 1917.

Bibliografía sobre Joaquín Costa[editar | modificar o codigo]

  • Joaquín Costa y Graus.
  • E. FERNÁNDEZ CLEMENTE: El pensamiento y la obra de Joaquín Costa.
  • M. FERNÁNDEZ ALMAGRO, El caso Joaquín Costa, en En torno al 98, Política y literatura, Madrit 1948.
  • M. GAMBÓN PLANA, Biografía y bibliografía de D. Joaquín Costa, Uesca 1911.
  • M. CIGES APARICIO, Joaquín Costa, Madrit.
  • L. LEGAZ LACAMBRA, El pensamiento social de Joaquín Costa, en Estudios de Historia social de España, Madrit 1949.
  • C. MARTÍN RETORTILLO, Joaquín Costa propulsor de la reconstrucción nacional, Barcelona 1961.
  • E. TIERNO GALVÁN, Costa y el regeneracionismo, Barcelona 1961.
  • Ramiro GRAU MORANCHO: Joaquín Costa y el idioma aragonés, 3ª. edición. Editorial JALÓN, Zaragoza, 1980. ISBN 84-300-2457-3.

Vinclos externos[editar | modificar o codigo]

Referencias[editar | modificar o codigo]