Chaén

Chaén
Municipio d'Andalucía
Seu de Chaén
Entidat  • Estato  • Comunidat  • Provincia  • Comarca	Municipio Espanya  Andalucía Chaén Chaén (comarca)
Superficie	422 km²
Población  • Total	117,540 hab. (2006)
Altaria	573 m.
Codigo postal	23000-23009
www.aytoJaen.es

Chaén (Jaen en grafía SLA; Jaén en castellán) ye una ciudat andaluza, capital d'a provincia de Chaén. A suya población ye de 117.540 habitants (2006) en una superficie de 422 km² y una densidat de población de 278,53 hab/km².

Nombre

Tito Libio li diz Auringi, Estrabón Oringe, Polibio Elinga, Plinio Nijis u Oringis y en o Concilio d'Iliberris la denominoron Advinge.

En a Edat Meya musulmana en arabe se diciba جيان, con as letras chim, ya, alif y nun (que en alfabeto latín aragonés se puet trascribir Chayán). De l'arabe Chayán u d'una forma romance más antiga emplegata por los mozarabes, os castellans adaptoron Jahen (por eixemplo asinas lo escribiba Alifonso X de Castiella).

Jahen es villa real et de grant pueblo et ien enfortalesçida et bien encastellada de muy fuerte et de muy tendida çerca (...) Et fue siempre villa de muy grant guerra et muy reçelada, et donde venie sienpre mucho danno a cristianos.

S'escribe Jaen en a Cronica de Sant Chuan d'a Penya (seguntes l'endiz onomastico Jahen), y probablement l'autor seguise modelos de cronicas castellanas.

Et depues muitas batallas que de los moros huvo obtenidas, morió hi en Marr[...] -149- (sic) cerca Jaen en servicio de Dios. Et encara mas engendró el dito rey Don Jayme cuatro fillas.

En castellán meyeval existió a variant Jayén, d'alcuerdo con l'orichen arabe (y se desviene que tamién con a fonetica aragonesa), on se desfa o hiato con epentesi. Tamién se puet leyer Jayen en bells textos meyevals en catalán, y ye posible que lo hesen preso a traviés de l'aragonés.

Manimenos no tenemos conoixencia d'a existencia d'a variant Jayen en textos aragoneses meyevals.