Islas britanicas
| Islas britanicas | |
|---|---|
 Fotografía satelite d'as islas britanicas. |
|
| Localizazión | |
| Estato |  Reino Unito Irlanda |
| Ocián | Atlantico |
| Cheografía | |
| Superficie | 315.134 km² |
| Punto más alto | 1.344 (Ben Nevis) |
| Demografía | |
| Población | 64.500.000 habitants |
| Atros datos | |
| Islas | Mas de 6.000 |
| Mapa | |
 Localización d'as islas britanicas en Europa. |
|
Se conoix con o nombre d' Islas Britanicas (British Isles en anglés, Éire agus an Bhreatain Mhór u Oileáin Iarthair Eorpa en irlandés, Ny h-Ellanyn Goaldagh en manés, Eileanan Bhreatainn en gaelico escocés, Ynysoedd Prydain en galés) a un archipielago que se troba situato en as costas noroccidentals d'Europa, formato por dos grans islas (a isla d'Irlanda y a isla de Gran Bretanya) y por quantas atras islas mas chicotas. Iste archipielago, situato en l'Ocián Atlantico, ye deseparato d'o continent europeu por a mar d'o Norte a l'este, que lo desepara de Dinamarca (u millor d'a peninsula de Chutlandia) y d'a peninsula escandinava, y por a canal d'a Manga a o sud, que lo desepara de Francia. Antiparte, a mar d'Irlanda desepara a isla d'Irlanda a l'ueste y a isla de Gran Bretanya a l'este.
A suya población ye de bells 64,5 millons d'habitants, en una superficie de 315.134 km².
A mas d'as dos islas prencipals, tamién en fan parte a isla de Man, a isla de Wight, a isla d'Anglesey, as islas Syllan (Scilly en anglés), as islas Àrcaibh (Orkney en anglés), as islas Sealtainn (Shetland en anglés, as islas Gall (Hebrides en anglés) y a isla de Portland; tamién en fan parte quantas islas mas chicotas.
Politicament, as islas britanicas se troban dividitas entre dos países: Irlanda, o país mas chicot, que ocupa a mayor parte d'a isla d'Irlanda, y o Reino Unito, que ocupa a isla de Gran Bretanya y tamién a parte nororiental d'a isla d'Irlanda (a dita Irlanda d'o Norte).
[editar] Vinclos externos
Se veigan as imáchens de Commons sobre as islas britanicas.
