Imperio Britanico

De Biquipedia
(Reendrezau dende Imperio britanico)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
As arias en color rosa indican os territorios que en un inte u atro han feito parti de l'Imperio Britanico a traviés d'a historia.
Bandera de l'Imperio Britanico.

Se conoixe como Imperio Britanico a las tierras que pendeban politica y economicament d'a Gran Bretanya. O momento de mayor importancia de l'Imperio estió a prencipios d'o sieglo XX, probablement entre 1890 y 1910, cuan teneba una población d'entre 400 y 500 millons de personas y bels 31 millons de kilometros cuadratos, lo que significaba alto u baixo una cuarta parti d'a población mundial y dos cinquenas partis d'as tierras emerchitas.

O Imperio se desarrolló mientres uns 300 anyos, a traviés d'una serie de fases relacionatas con o comercio, a colonización y a conquista en las que estendilló as suyas mugas, antimás de periodos d'actividat diplomatica.

Gracias a l'Imperio Britanico a tecnolochía, o comercio, l'idioma anglés y o gubierno britanicos s'esbandioron por tot o mundo. A hechemonía imperial contribuyó a lo espectacular creiximiento economico de Gran Bretanya y a lo peso d'os suyos intreses en o escenario mundial.

O primero en emplegar a expresión "Imperio Britanico" estió lo doctor John Dee, astrologo, alquimista y matematico d'a reina Isabel I d'Anglaterra.

Bels territorios que han feito parti de l'Imperio Britanico son: Irlanda, Estaus Unius, Canadá, Chamaica, Australia, Nueva Zelanda, India, Malaisia, Echipto, Sudafrica, Nicheria, Camerún, Kenya, Hong Kong, Iraq, Chipre, Chibraltar u Menorca entre muitos atros. Hue en día bels d'istos territorios, ya independients, reconoixen os suyos lazos con Gran Bretanya a traviés d'a Commonwealth.