Diplomacia

De Biquipedia
Ir ta: navego, busca
Articlo d'os 1000
As Nacions Unitas, con seu en Nueva York, son a organización diplomatica internacional más gran.

A diplomacia ye a conducta de negociacions entre as presonas, os grupos y os estatos.

A palabra diplomacia deriva d'o diploma román que modernament significa acto churidico. Os diplomaticos son as presonas que s'adedican profesionalment a lo exercicio d'a diplomacia.

Con un uso formal se refiere a la diplomacia internacional exercita por diplomaticos profesionals.

Tipos de diplomacia[editar | editar código]

Dica la Primera Guerra Mundial encara existiba la dita diplomacia secreta, en a que se consideraba normal y deseyable que os compromisos, alcuerdos y pactos entre Estatos no fuesen conoixitos ni por os atros Estatos ni por a opinión publica interna. Hue día ista practica ye prohibita y se fa la diplomacia ubierta.

Bi ha dos prencipals tipos de diplomacia: a diplomacia bilateral entre dos estatos y a diplomacia multilateral que embreca muitos estatos (diplomacia internacional) u bells poquetz estatos (diplomacia rechional).

A diplomacia multilateral se practica dende o sieglo XIX en o Congreso de Viena. En os zaguers anyos s'ha emplegato en a sinyatura de diferents tractatos internacionals y en institucions como as Nacions Unitas entre muitas atras.

Terminolochía diplomatica[editar | editar código]

Una misión diplomatica ye o termin colectivo ta una colla de diplomaticos d'un mesmo país. O embaixador ye o cape d'una embaixata.

O cuerpo diplomatico ye o conchunto de totz os diplomaticos residents en un país determinato.

Orichen d'a diplomacia moderna[editar | editar código]

En a forma actual a diplomacia nomás existe dende o Renaiximiento ya que sieglos antis os emisarios que ninviaban os diferents estatos yeran nomás mensachers sin de papel de negociador.

Dende a Edat moderna, con a teorización d'o dreito d'os estatos (ius gentium) a diplomacia se presenta como una alternativa a la guerra.

Un destacato diplomatico estió lo cardenal Richelieu (1586-1642), primer menistro d'o rei Loís XIII de Francia. Estió éll qui creyó a noción d'a razón d'estato que privilechia la seguridat d'o estato y d'o territorio sobre atras prioridatz.

Vinclos externos[editar | editar código]