Idioma arameu
De Biquipedia
| Arameu (ארמית - ܐܪܡܝܐ) | |
|---|---|
| {{{Imachen}}} | |
| Altras denominazions: | {{{altrasdenominazions}}} |
| Parlato en: | Armenia, Azerbaichán, Cheorchia, Irán, Iraq, Israel, Libano, Rusia, Siria y Turquía |
| Territorios: | {{{territorios}}} |
Parladors:
|
445.000
|
| Clasificazión: | {{{clasificazión}}} |
| Filiazión: | Afro-asiaticas Semitica |
| Estatus ofizial | |
| Luengua ofizial en: | - |
| Regulato per: | - |
| Codigos d'a luengua | |
| ISO 639-1 | - |
| ISO 639-2 | arc |
| SIL | - |
| Se beiga tamién: Filo afroasiatico |
|
L'arameu ye una luenga semitica con una istoria de á o menos 3.000 añadas. Estió una lingua franca de comunicazions entre diferents pueblos d'Orient meyo enantes d'o periodo elenista y encara yera una d'as luengas prenzipals d'a zona dica que a cheneralizazión de l'arabe fazió que l'arameu quedase restrinchito como luenga charrata en bellas comunidaz cristianas e chodigas de zonas marguinals, cadaguna con un dialeuto propio.
[editar] Istoria de l'arameu
Iste periodo encluye l'arameu charrato por os arameus dende o suyo orichen dica que se consolida como luenga franca d'a rechión. L'arameu antigo comprende más de treze sieglos d'istoria d'a luenga. O punto más importán d'a istoria de l'arameu antigo se troba arredol de 500 aC, cuan esdebién l'arameu imperial. L'arameu sostituyó a atras luengas semiticas, como por exemplo o ebreu, e por ixo ye o idioma orichinal de bellas partes d'a Biblia asinas como a luenga prenzipal d'o Talmut. A luenga arameya estió lingua granca dica que con o periodo elenistico abió de competir con o griego, pero encara en o periodo román yera una d'as luengas prenzipals e més parlatas d'Orient meyo. Os diferens dialeutos rechionals de l'arameu prenen relebanzia cuán o griego reemplaza á l'arameu como luenga de poder n'a rechión. Estió l'arameu e no o ebreu a luenga charrata por Chesús, y a luenga que se feba serbir en o culto cristián e testos sagratos competindo con o griego. Bellas formas de cristianismo que esdebinioron eterodocsias en relazión a la ortodocsia imperial romana u bizantina refusoron de fer serbir o griego e fazioron serbir l'arameu. L'arameu dixó de tener importanzia como una d'as luengas prenzipals d'a zona cuan con a embasión arabe se produzión una islamizazión que siempre ba acompañata d'una arabizazión implizita, por estar l'arabe a luenga de l'Alcorán. D'esta traza l'arameu d'o sieglo XX, conoxito como neoarameu, yera a luenga de bellas comunidaz cristianas e chodigas de zonas marguinals en o Kurdistán e arredols. Con os esterminios d'as poblazions cristianas en a Primera Guerra Mundial, (que a més d'afeutar a os armenios tamién afectaba a os asirians, caldeus e sirians) e a formazión d'o estato d'Israel, (con a emigrazión de muitos chodigos d'Orient Meyo enta o estato chodigo), a presenzia de l'arameu en a zona on se conserbaba s'ha reduzito muito, y en os países on s'han refuchiato ixas comunidaz ye en bías de desaparizión debant d'os idiomas ofizials.
