Fen

Feners en faixas, con niedas de fen envistables en o paisache.

O fen u feno el constituyen as hierbas graminias (en especial, belluecas) u leguminosas (como as teflas u os mandils) ixugatas, tallatas ta fer-las servir como alimento ta lo bestiar, tremezclatas con altras hierbas silvestres que creixcan en os pratos d'on que se quita la pastura. La cebata, l'hordio u la palla d'estes y altros cerials tamién sole meter-se-ie, ta enriquir a mezcla que dimpués se'ls da a los animals.

Os campos on que se cría fen se dicen feners, y a nivel paisachistico se gosan distinguir per a color amariellisca d'as espiguetas que fan as belluecas per dencima de las altras especies herbacias, que dan a color verde a lo suelo d'ixas estensions. Os campos on que nomás se i cría l'alfalz como ferralla no presentan esta caracteristica.

Vinclos externos

• O Biquizionario tien una dentrata sobre fen.