Pastura
De Biquipedia
En agricultura, a pastura ye cualsiquier comestible de fundamento bechetal emplegato espezificament ta la nutrizión d'o bestiar, como son as bacas, güellas e tozins, e tamién as aus domesticas.
A pastura, anque per definizión ye de naturaleza bechetal, puet estar tamién un preparato prozesato con elementos de prozendenzia animal u mineral. En l'Alto Aragón tamién se diz pastura d'a pasta feta con restas bechetals de l'alimentazión umana (como las fuellas esteriors d'as berzas e cols, pelas de trunfas e fruita, etz) que se gosan triturar á ormino en chunto con pan duro e augua ta dar-les-ne á os animals.
En a pastura erbazia emplegata mudernament en ganadería, se mira de complementar a mistura con graminias e leguminosas en proporzions concretas ta que lo resultato dé una dieta con proporzions correutas d'as diferents bitaminas e minerals que se troban en estes dos grupos de plantas.
[editar] Importanzia ecolochica
En a montaña, os sers umans han modificato la naturaleza ecolochica d'os ecosistemas d'a montaña meya e alta ta quitar-ne pratos de pastura on que se i pratica la pastura seletiba ta faboreixer-ie lo creiximiento d'as espezies de plantas más nutritibas. En o Perineu aragonés, lo paixentar tradizional d'as bestias en os puertos be ha faboreixito l'aparizión d'estensions de pratos con mandils (Trifolium alpinum) e carderas (Nardus stricta).
