Estruzio

De Biquipedia

Estruzio
Un estruzio en Serengeti
Estato de conserbazión
Clasificazión zentifica
Dominio: Eukaryota Reino: Animalia Filo: Chordata Clase: Aves Orden: Struthioniformes Familia: Struthionidae Chenero: ''Struthio'' Espezie: ''S. camelus''
Nomenclatura binomial
Struthio camelus
Linnaeus, 1758
Destribuzión d'estruzios por o mundo

O estruzio (Struthio camelus) ye l'au bibient más gran. Puet fer dica 2,5 metros d'altaria, no puet bolar y perteneix á la familia d'os estrutionidos.

Atros miembros d'o grupo son os ñandús, os emús, os casuarios y o paixaro más gran que nunca ha esistiu, o Aepyornis, autualment amortau. Os estruzios tienen o cuello y as garras muito largas y pueden correr dica 65 km/h.

Os estruzios se troban de traza natural, en as sabans y semidesiertos d'Africa, igual en o norte como en o sur d'a zona tropical selbosa. A raza d'estruzio d'Orient Meyo (S. c. syriacus) ye amortada.

As suyas plomas no li sirben ta bolar, pero son muit populars como adornos ta os cabellos d'as mullers. Os estruzios son prou rezios ta que un umán no guaire gran los pueda cabalgar y s'han feito serbir en bels puestos d'o norte d'Africa y Arabia como animals de cursas.

Güé se crian ta carne en muitos países, mesmo en climas tan fríos como o de Finlandia. O gusto d'a carne d'estruzio se pareix á o d'o betiello.

En a mitolochía popular, o estruzio ye famoso por amagar a cabeza adintro de l'arena malas que siente o primer siñal de periglo. Manimenos, no s'han rechistrau obserbazions d'iste comportamiento, encara que se sabe que os muixons meten a cabeza y o cuello en tierra ta pareixer más poca cosa cuan s'amana un predador. Cuan se sienten menazaus os estruzios pueden plegar á ferir graument á os suyos atacants, con calzes d'as suyas fortals garras.

Os estruzios anidan comunitariament. Bel numero de fembras ponen os suyos cocos adintro d'o mesmo niedo, an que son cobaus por a fembra dominant, d'entre día, y por o masclo d'entre nueit. Os güegos d'estruzio son os más grans d'entre toz os güegos.

Güego d'estruzio

[editar] Nombre en aragonés

Amaneix en o Libro del Trasoro^[1]. O prenzipio d'o capítol á el adedicau ye:

[editar] Referenzias

1. ↑ Dawn E. Prince (ed.). The Aragonese version of Brunetto Latini's Libro del trasoro. Madison, 1995.

[editar] Binclos esternos

• Bidios d'estruzio en Internet Bird Collection.

Se beigan as imachens de Commons sobre estruzio.

Se beiga a informazión de Biquiespezies sobre Struthio camelus.